O proceso selectivo sufriu demoras pola interposición dun recurso de revisión de oficio contra as bases especificas das prazas de profesores da escola-conservatorio e mediante acordo plenario de data 27/11/2025 inadmitiuse o recurso, dado que a titulación do solicitante non se adecúa á titulación requirida para ser profesor de guitarra.
Polo que, mediante resolución de alcaldía de data 04/03/2026, alterouse o tribunal de selección, aprobouse a lista definitiva de admitidos e excluídos e determinouse a data de constitución do tribunal e a realización da baremación dos méritos, para o martes 17/03/2026 ás 15:30 horas nas dependencias da Escola-Conservatorio de música do Concello de Tui, sita en Avda. da Concordia nº 16 36700 Tui.
O tribunal reunido o día 14/04/2026 resolveu a alegación presentada da valoración de méritos publicada, estimando parcialmente a mesma e modificando as puntuacións totais e realizando a proposta de nomeamento como persoal laboral fixo do profesor de guitarra e a lista de reserva.
