Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

XIV Festa do Miño

O sábado, 15 de agosto, celébrase na rúa Compostela a XIV Festa do Miño. 

Participarán cos seus postos a Asociación Cultural Cristo da Agonía de Baldráns, a Banda de Gaitas Guillarei de Guillarei, a Asociación Cultural Laxes de Paramos, a Asociación O Mosteiro de Pesegueiro, a Asociación de Riomuíños, a Asociación de San Bartolomeu, a Asociación Cultural Seixos Albos de Areas, a Asociación do Traxe Tradicional, a Comisión Virxe das Dores de Guillarei e a Asociación Cultural Xuntanza de Randufe. 

Tui celebra o sábado 15 a Festa do Miño con música e gastronomía

Undefined

Dentro dunha semana, o sábado 15 de agosto, Tui vivirá a Festa do Miño coa gastronomía e a música coma protagonistas. A cita estará na rúa Compostela na que se vai celebrar a festa gastronómica pondo en valor os pratos típicos galegos, tendo cabida tamén outras elaboracións, e onde sempre atopamos novas propostas. Da man de dez asociacións culturais dende ás 20 h poderanse degustar, a prezos que oscilan entre o 1 e os 4 euros, gran variedade de produtos.

As asociacións culturais que desexen participar na Festa do Miño poderán inscribirse hoxe xoves e mañá venres 31 de xullo

Undefined

As asociacións culturais tudenses que desexen participar na XIV Festa Gastronómica o sábado 15 de agosto, na rúa Compostela, poderán presentar a súa solicitude hoxe xoves e mañá venres 31 de xullo a través da sede electrónica do Concello de Tui.

Só participarán ás 11 primeiras asociacións culturais que presenten a solicitude por rexistro de entrada e que estean inscritas no rexistro municipal de asociacións.

As bases desta convocatoria poden consultarse en tui.gal e na sede electrónica.

Música, danza e teatro esta fin de semana dentro da programación cultural do verán

Undefined

A Igrexa de San Domingos será o escenario esta fin de semana de dous espectáculos dentro da programación cultural do verán ao abeiro do ciclo Cultura no Camiño.

Mañá sábado ás 20.30 h actuará o dúo Doa formado por Susana de Lorenzo e Xoán Piñón, que contarán coa colaboración musical de Fran Castro e Carlos Castro.   Esta histórica agrupación galega, creada en 1978, interpretará temas de folk de vangarda que conquistarán ao público. Non faltarán as sorpresa a parte final do concerto.

A vella Ponte Internacional convértese hoxe nun escenario privilexiado da creatividade galega e portuguesa

Undefined

Cultura, artesanía, gastronomía das dúas beiras do Miño conflúen hoxe na vella Ponte Internacional Tui-Valença.

30 expositores, 8 grupos en directo, foros, presentacións… conforman a Ponte Creativa & Enogastronómica que dentro da programación do IKFEM se celebra hoxe sábado.

Dende as doce do mediodía e até ás doce da noite acollerá esta actividade multidisciplinar que tende novas pontes creativas entre as dúas beiras do Miño.

Páxinas

Subscribirse a RSS - Cultura