Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O venres 31 de outubro Davide González e Iria Pinheiro interpretarán no Teatro Municipal de Tui “Pitiminí: Concerto para bebés”. Trátase dun espectáculo sensorial deseñado especialmente para os máis pequenos e para as súas familias. É unha viaxe musical con melodias e sons que estimulan a curiosidade dos bebés nun ambiente seguro e acolledor.
O venres 24 de outubro, ás 21.00 horas, proxectarase no Teatro Municipal de Tui o filme Sirat. Esta película dirixida por Oliver Laxe está interpretada por Sergi López, Bruno Ñúñez Arjona, Richard Bellamy, Stefania Gadda, Joshua Liam Henderson, Tonin Janvier e Jade Oukid.
O filme vén de ser seleccionado para representar a España para competir pola nominación ao Oscar á mellor película internacional, e conta xa co Premio do Xurado en Cannes.
O pano do Teatro Municipal de Tui volverá a abrirse neste outono cunha programación conformada por nove espectáculos de música, teatro, cinema, maxia e monólogos. Do 27 de setembro ao 22 de novembro o espazo escénico tudense brindará ao público de todas as idades, dende os bebés aos adultos, unha coidada oferta protagonizada pola calidade, variedade e compromiso coa creación galega.
O venres 17 de outubro, ás 19.00 horas Os Naúfragos Teatro representarán no Teatro Municipal de Tui “Bulebule”. Un espectáculo sobre a presenza da muller no mar, a diversidade e o TDAH -Trastorno do Déficit de Atención con Hiperactividade-. A obra explora, dun xeito amable, os camiños da igualdade destacando o esforzo das mulleres por derrubar as barreiras que lles impiden acceder a determinadas profesións.
O venres, 10 de outubro, ás 21 h Ibuprofeno Teatro representará no Teatro Municipal de Tui “Reconversión”. É un espectáculo de gran formato escrito e dirixido por Santiago Cortegoso estreado a comezos de xullo.
O venres, 3 de outubro, ás 19 h Redrum Teatro presentará no Teatro Municipal de Tui “Os Contos do Lobicán”. É un espectáculo de monicreques musical destinado a nenos e nenas de entre 3 e 8 anos.
O texto de Eva Mejuto foi gañador do XV Premio Barriga Verde 2022 e gañador do Premio ao Mellor Espectáculo de monicreques nos XXIX Premios de Teatro María Casares.
A programación de Outono no Teatro Municipal de Tui ábrese con “Ingrávida” o concerto co que Mercedes Peón celebra os 25 anos no mundo da música dende a edición do seu primeiro disco Isué.
Mercedes Peón ofrécenos un percorrido por temas dos seus cinco discos editados en solitario. Un repertorio marcado polas recollidas de campo que fixo durante 25 anos polas aldeas de todo o país, os traballos cinematográficos ou de danza e o seu espírito inquedo, innovador e vangardista.
O pavillón municipal de Randufe presenta unhas condicións óptimas para o inicio do novo curso escolar, e da nova temporada competitiva tras as obras de mellora e acondicionamento acometidas polo Concello de Tui ao longo dos últimos meses que supuxeron un investimento de 176.859,01 €.
O alcalde, Enrique Cabaleiro, e a concelleira de Ensino, Sonsoles Vicente, visitaron esta mañá ás instalacións onde, xunto coa directora do CEIP de Randufe, o arquitecto que elaborou o proxecto, o responsable da empresa construtora, e técnicos municipais comprobaron as melloras realizadas.
O Concello de Tui promove un acto cívico de homenaxe á figura senlleira de Alfonso D. Rodríguez Castelao co gallo da celebración do 75 aniversario do seu pasamento e como “mostra de gratitude do pobo galego” desta egrexia figura senlleira da cultura e política galegas.
O domingo, 28 de setembro, ás 12 h no edificio da Praza da Inmaculada terá lugar o acto cívico de homenaxe no Ano Castelo "Os viños de Castelao", organizado polo Concello de Tui.
O programa previsto é o seguinte:
Inscricións en turismo@tui.gal do 10 ao 20 de setembro.
