Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
“O Arcón de Noa” é o título do espectáculo de danza que Amarelo presentará o venres, 20 de febreiro, ás 19 h, no Teatro Municipal de Tui. Escrito por Lilian Portela está dirixido e interpretado por Carlota Rosón Rojo e Martín Blanco, xunto a Raquel Ferradás.
O tenor arxentino Jonatan Alvarado e o músico tudense Samuel Diz ofrecerán o concerto “El mal de l’amor. The songbook of Gustavo Durán” o venres, 13 de febreiro, ás 21 h no Teatro Municipal de Tui.
A Banda dos Insectos estará en concerto no Teatro Municipal de Tui o venres, 6 de febreiro, ás 19 h. Esta agrupación formada por Adri Salgado, batería e voz; Eduardo Cadenas, baixo e coros; Juan Pérez, guitarra e coros, e Manuel Fernández, animador, presenta un novo proxecto de música rock en galego que busca familiarizar á rapazada cos valores cooperativos e do deporte.
Mañá xoves ás 18.30 h preséntase na Sala Félix Rodríguez “La familia de las curanderas”, de Marisa Castro, novo título da colección de Literatura Accesible de Hércules.
O acto contará coa participación de Marisa Castro, autora; Cristina Sola e Ana Belén Luis, adaptadoras do Laboratorio de Linguaxe Accesible; e Jesús Meiriño, tradutor da obra ao galego, da Universidade de Vigo
Esta adaptación da novela de Marisa Castro é o segundo título da colección de “Literatura accesible” de Hércules Ediciones, tras a publicación de Palabras de pedra en 2024.
Mañá xoves, 22 de xaneiro, ás 12.00 h no Centro Sefarad-Israel en Madrid será inaugurada a mostra “Os sambenitos da catedral de Tui: historia, memoria e infamia” por parte do alcalde de Tui, Enrique Cabaleiro González, e o director Xeral do Centro Sefarad-Isarel, José Thomas Lozano.
A Sala Municipal de Exposicións, no Edificio Francisco Sánchez, acolle do 21 de xaneiro ao 27 de febreiro a exposición “Acuarelas” de José Jesús Blanco Pérez.
O acto inaugural será o mércores 21 de xaneiro ás 19.30 h
Mañá mércores, 21 xaneiro, ás 19.30h inaugúrase na Sala Municipal de Exposicións, no Edificio Francisco Sánchez, a exposición “Acuarelas” de José Jesús Blanco Pérez.
Mañá ás 12.45 h inaugurarase no claustro da Catedral de Tui a XI Mostra da Camelia Cidade de Tui organizada polo Concello de Tui e ATUCA, Amigos Tudenses da Camelia. Este evento reunirá 75 expositores de Galicia, Asturias e Portugal que presentarán distintas variedades e innovacións. Esta cita súmase tamén aos actos conmemorativos do 800 aniversario da consagración da Catedral de Tui.
O Claustro da Catedral de Tui acolle o sábado 17 e o domingo 18 o Claustro da Catedral. Este evento está organizado polo Concello de Tui e Amigos da Catedral de Tui, ATUCA. Participarán 75 expositores de Galicia, Asturias e Portugal.
A inauguración terá lugar o sábado ás 12.45 h. O horario de apertura ao público será o sábado de 16.45 a 20.30 h e o domingo de 10 a 14 h e de 16.30 h a 20 h. O sábado ás 17.30 h no Espazo Sociocultural da r/Camilo José Cela, terá lugar unha charla - degustación - cata do té de Areeiro.
A Biblioteca Municipal de Tui acadou en 2025 un total de 20.178 préstamos, o que supón un incremento do 9,4% con respecto o ano anterior, continuando a liña de crecemento dos últimos anos en canto a préstamos e número de usuarios.
Estes datos confirman o interese da cidadanía pola cultura e o incremento dos hábitos lectores entre a infancia e a mocidade. Precisamente esta franxa de idade lidera os índices de préstamo na biblioteca tudense, xa que máis do sesenta por cento dos libros foron retirados por usuarios menores de catorce anos.
