Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A Aula CEMIT de Tui acollerá por segundo ano consecutivo un dos obradoiros do XI Scratch Day. A cita será o próximo sábado, 12 de setembro, de 9.30 h a 14 h. A actividade vai dirixida a rapazada con idades entre os 7 e os 15 anos acompañados dunha persoa adulta.
O escritor galego Manel Loureiro presenta mañá venres ás 20 h no Espazo Sociocultural da rúa Camilo José Cela a súa última novela “Antes de que todo cambie” (Planeta, 2026). O evento está organizado pola Libraría Espazo Lector Nobel de Tui, en colaboración coa Biblioteca Municipal. A entrada é libre.
Preto dun millar de persoas participaron nos meses de xullo e agosto nas actividades do ciclo “Coñece o noso patrimonio” organizado polo Instituto de Estudios Tudenses, coa colaboración do Concello de Tui. As seis visitas guiadas realizadas por outros tantos especialistas e a conferencia celebrada contaron cunha gran acollida por parte do público.
Un total de trece actividades conforman a programación do Setembro Xudeu que se vai desenvolver do 3 ao 27 de setembro baixo a organización do Concello de Tui.
Baixo a denominación de “Setembro xudeu en Tui” desenvolveran visitas guiadas, visitas teatralizadas, exposicións, conferencias, música, proxección de películas para difundir o patrimonio xudeu que atesoura a cidade.
Mañá abre o prazo para que asociacións culturais e asociacións de pais e nais presenten as solicitudes para as convocatorias de subvención que realiza o concello de Tui para a realización de actividades neste ano 2026 por parte destes colectivos. O Concello de Tui destina de fondos propios 63.600 euros a estas convocatorias.
Convocatoria subvencións para a realización de actividades e gastos de funcionamento de asociacións musicais e bandas de gaitas.
Poderán optar a estas subvencións as asociacións musicais ou bandas de gaitas que realicen actividades de índole musical existentes no Concello de Tui que cumpran tanto os requisitos xerais como os específicos da convocatoria.
O importe da consignación ascende a un total de 43.000,00 €. O importe individual das subvencións concedidas ao abeiro desta convocatoria non poderá superar os 15.000,00 € nin o 80% do proxecto subvencionable.
Convocatoria de subvención para a promoción de actividades levadas a cabo por ANPAS dos centros educativos de Tui 2026.
Esta convocatoria ten por obxecto establecer os criterios e procedementos para a concesión de subvencións, destinadas a promover actividades levadas a cabo no exercicio 2026 polas Asociaciónsde Nais e Pais (ANPAs) existentes nos centros educativos do Concello de Tui.
Poderán optar a estas subvencións as ANPAs que cumpran tanto os requisitos xerais como os específicos da convocatoria.
Convocatoria de subvencións para a promoción de actividades levadas a cabo por asociacións culturais no exercicio 2026.
O importe da consignación ascende a un total de 42.200,00 €, con cargo á aplicación orzamentaria2026.1.334.48900.03 do orzamento ordinario para 2026.
O importe individual das subvencións concedidas ao abeiro desta convocatoria non poderá superaros 7.000,00 € nin o 80% do proxecto subvencionable.
A sala de Exposicións Municipal acollerá do 2 ao 23 de setembro a exposición "O río que nos move".
Na mesma recóllense 99 fotografías tomadas en 1985 por cinco mozos do Baixo Miño - – Carlos Carrera, Xurxo Estévez, Juanjo Otero, Santos González e Rafa Cid- que, con idades entre os 21 e os 23 anos, decidiron descender o Miño na súa totalidade, sen ningún equipo de apoio e en canoas construídas por eles mesmos; algo que ninguén fixera antes.
O vindeiro mércores, 2 de setembro ás 19.00 horas, a Sala Municipal de Exposicións do Concello de Tui acolle o acto de inauguración da exposición “O río que nos move”. Na mesma recóllense 99 fotografías tomadas en 1985 por cinco mozos do Baixo Miño que, con idades entre os 21 e os 23 anos, decidiron descender o Miño na súa totalidade, sen ningún equipo de apoio e en canoas construídas por eles mesmos; algo que ninguén fixera antes.
