Pronóstico de Tutiempo.net
Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

I Feira da Cabaza

Debido á previsión de choiva a trasládase ao pavillón do IES San Paio a I Feira da Cabaza que esta fin de semana, sábado 30 e domingo 31 de outubro, terá lugar no centro urbano. A I Feira da Cabaza desenvolveuse dende comezos deste mes de outubro nas parroquias de Areas, Baldráns, Caldelas, Guillarei, Paramos, Pazos de Reis, Pexegueiro, Randufe e Rebordáns.

Presentación do Club de Lectura da Biblioteca e Inauguración da “A nosa auga, a nosa terra, a nosa xente”

Undefined

O próximo luns, 25 de outubro, ás 11 h na Sala de Exposicións Municipal, na Área Panorámica, terá lugar a presentación do Club de Lectura da Biblioteca Municipal, dentro da programación do Mes da Biblioteca.

Amais terá lugar a inauguración da exposición de fotografías antigas “A nosa auga, a nosa terra, a nosa xente” que recolle unha escolma dos fondos gráficos do Balneario de Caldelas de Tui.

A música de Golfiños encherá este venres o Teatro Municipal

Undefined

A música encherá este venres o Teatro Municipal de Tui co concerto “O soño dos golfiños” da man de Golfiños. O grupo está formado por Elena Paz Alonso, voz; Jesús Moares Lameiro, teclado; e Javier Ricardo Álvarez Fernández, guitarra.

Dirixido a público familiar a partir dos 3 anos este espectáculo musical fará unha unha viaxe por un mar de músicas cun repertorio moi variado, cantando novos temas e lembrando as súas cantigas de sempre. No mesmo haberá tempo para cantar, para bailar, para sorrir, e soñar.

O historiador Domingo González Lopo intervén no ciclo de conferencias sobre o retablo da batalla de Lepanto

Undefined

O historiador Domingo González Lopo pronunciará mañá, martes 19 de outubro, ás 19.30 horas unha nova conferencia, na igrexa de San Domingos. Será dentro do ciclo de conferencias e visitas guiadas  que organiza o Concello de Tui en torno ao retablo de Nosa Señora do Rosario da Igrexa de San Domingos no 450 aniversario da Batalla de Lepanto que é o principal motivo iconográfico deste singular retablo barroco.

A Biblioteca de Tui celebra o “Día das escritoras” cun encontro con Conchi Regueiro e María José Areal

Undefined

A Biblioteca Pública Municipal de Tui celebra o vindeiro luns, 18 de outubro, o “Día das escritoras” coa celebración dun encontro de dúas escritoras Conchi Regueiro e María José Areal no que nos ofrecerán a súa visión da creación literaria e do papel da literatura, especialmente a creada por mulleres. Este encontro terá lugar na Biblioteca Municipal tudense ás 20 h.

O profesor Hortensio Sobrado abre o ciclo de conferencias sobre a Batalla de Lepanto

Undefined

Este mércores, 13 de outubro, comeza o ciclo de conferencias organizado polo Concello de Tui, coa colaboración da Asociación Amigos da Catedral, para conmemorar o 450 aniversario da Batalla de Lepanto. 

O profesor de Historia Moderna da Universidade de Santiago, Hortensio Sobrado Correa, disertará sobre “A batalla de Lepanto, contexto histórico”. Será ás 19.30 h na igrexa de San Domingos. 

Carmen Domech presenta este mércores “Contacontos de libros contentos”

Undefined

“Contacontos de libros contentos” é o título do contacontos que Carmen Domech achega este mércores, 13 de outubro, ás 18 h á Biblioteca Pública Municipal de Tui. Esta actividade forma parte do programa do Mes da Biblioteca que comezou o pasado 22 de setembro e continuará até  o 25 deste mes.
O contacontos destes mércores vai dirixido especialmente a nenos e nenas de 4 a 11 anos. Nesta sesión Carmen Domech exporá as cousas fantásticas que contan os libros, sucesos incribles de libros tímidos, divertidos, intrépidos, deliciosos…

Visitas Guiadas e conferencias conmemorativas do 450 aniversario da Batalla de Lepanto

Do 7 de outubro ao 3 de novembro o concello de Tui organiza un programa de actividades conmemorativas do 450 aniversario da Batalla de Lepanto. Trátase dun ciclo de conferencias e unha serie de visitas guiadas ao retablo de Nosa Señora do Rosario ou da batalla de Lepanto, e a igrexa de San Domingos onde está ubicado, para poñer en valor este singular elemento do patrimonio cultural tudense, e contribuír ao coñecemento da nosa historia e de acervo cultural de Tui.

Páxinas

Subscribirse a RSS - Cultura