Fran Sieira e Caamaño & Ameixeiras con “Benquerer”
Música e danza en directo o venres, 23 outubro, ás 21 h no Teatro Municipal de Tui con Fran Sieira, Antía Ameixeiras, Sabela Caamaño no espectáculo “Benquerer”.
Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Música e danza en directo o venres, 23 outubro, ás 21 h no Teatro Municipal de Tui con Fran Sieira, Antía Ameixeiras, Sabela Caamaño no espectáculo “Benquerer”.
O público familiar dende os 3 anos é o destinatario de “Dedín, Dedín, Dedal” o espectáculo que Malasombra Producións presentará o venres, 16 outubro 19 h no Teatro Municipal de Tui.
Yoli Lorenzo e Brais Iriarte dan vida a este espectáculo creado e dirixido por Andrea Bayer e Óscar Ferreira.
“Dedín, dedín, dedal” está pensado para liar, rir e bailar. Vai dirixido aos máis pequenos e pequenas da casa. A palabra, os xogos, os contos e as cantigas están moi presentes ao longo da función.
Talía Teatro regresa ao Teatro Municipal coa súa última montaxe “Un Deus Salvaxe” o venres, 9 de outubro, ás 21 h.
Artur Trillo dirixe este espectáculo que conta cun elenco formado por María Ordoñez, Dani Trillo, Marta Lado e Toño Casais.
A obra conta a historia de dous matrimonios, adultos e civilizados, que se atopan para resolver un incidente protagonizado polos seus fillos pequenos: un deles partiulle dous dentes ao outro nunha pelexa no parque.
O espectáculo “A Penúltima” de Carlos Blanco abre a programación de Outono no Teatro Municipal de Tui o venres, 2 de outubro ás 21 h.
Carlos Blanco bota A PENÚLTIMA. Porque nunca se sabe. Porque o tempo pasa e… Carlos chega agora con imaxes, con historias novas e vellas pero sempre coas risas garantidas.
70 minutos imprescindibles, divertidos e sanadores…para non perder.
O Concello de Tui participa hoxe xoves e mañá venres na 70ª Asemblea Xeral da Red de Juderías de España-Caminos de Sefarad. Esta reunión que se celebra trimestral celebrarase en Melilla abordando aspectos clave e propostas e iniciativas futuras centradas na defensa e promoción do legado cultural e turístico sefardí.
Dende hoxe venres, 4 de setembro, e até o venres 18 deste mes ás 23.59 h, está aberto o prazo para que as asociacións musicais e bandas de gaitas tudenses presenten a súa solicitude á convocatoria de subvencións para a realización de actividades e gastos de funcionamento neste ano 2026.
Poderán optar a estas subvencións as asociacións musicais ou bandas de gaitas que realicen actividades de índole musical existentes no Concello de Tui que cumpran tanto os requisitos xerais como os específicos da convocatoria.
A Aula CEMIT de Tui acollerá por segundo ano consecutivo un dos obradoiros do XI Scratch Day. A cita será o próximo sábado, 12 de setembro, de 9.30 h a 14 h. A actividade vai dirixida a rapazada con idades entre os 7 e os 15 anos acompañados dunha persoa adulta.
O escritor galego Manel Loureiro presenta mañá venres ás 20 h no Espazo Sociocultural da rúa Camilo José Cela a súa última novela “Antes de que todo cambie” (Planeta, 2026). O evento está organizado pola Libraría Espazo Lector Nobel de Tui, en colaboración coa Biblioteca Municipal. A entrada é libre.
Preto dun millar de persoas participaron nos meses de xullo e agosto nas actividades do ciclo “Coñece o noso patrimonio” organizado polo Instituto de Estudios Tudenses, coa colaboración do Concello de Tui. As seis visitas guiadas realizadas por outros tantos especialistas e a conferencia celebrada contaron cunha gran acollida por parte do público.
Un total de trece actividades conforman a programación do Setembro Xudeu que se vai desenvolver do 3 ao 27 de setembro baixo a organización do Concello de Tui.
Baixo a denominación de “Setembro xudeu en Tui” desenvolveran visitas guiadas, visitas teatralizadas, exposicións, conferencias, música, proxección de películas para difundir o patrimonio xudeu que atesoura a cidade.
