Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
O Concello de Tui participará no I Encontro de Arquiveiros da Red de Juderías de España – Caminos de Sefarad que terá lugar a próxima semana, o martes 28 e mércores 29 de maio na cidade de Plasencia. Este evento reunirá a destacados expertos no campo para abordar diversas temáticas relacionadas coa documentación histórica xudía.
Eu Rural e o Xeodestino Ría de Vigo e Baixo Miño exploran novas experiencias e aprenden doutros territorio para seguir crecendo e innovando no rural. Unha delegación composta por alcaldesas, alcaldes, edís e persoal técnico percorre estes días a rexión de Emilia-Romaña, en Italia, para coñecer de primeira man experiencias de desenvolvemento económico, turístico e social nunha zona vitivinícola de gran parecido con Galicia. Unha viaxe de estudo que permitirá recoller ideas e achegarse a prácticas exitosas que poidan ser implementadas no territorio para potenciar o desenvolvemento rural.
Tui acolle este domingo, 26 de maio, ás 18 h, o desafío ‘A comunidade xudía en Tui’, un dos escape rooms temáticos postos en marcha por Eu Rural e o Xeodestino Ría de Vigo e Baixo Miño. É o terceiro desafío de ‘Eureka Reto Rural’, o programa de EuRural e do Xeodestino Ría de Vigo e Baixo Miño que ten por obxectivo coñecer o territorio a través de xogos de escapismo temáticos, dixitais e ao aire libre.
Unha andaina de gran valor natural e cargada de lendas será a que se realice este sábado, 25 de maio, dentro das Rutas de Natureza que organiza o Concello de Tui. Ás 10 h dende a ponte situada na Veiga do Louro partirá o Roteiro da Pedra Santa e o río Lagartón guiada por José Martínez Tato de AndaTui.
"Tui, A Comunidade Xudía" é o título do escape room que se vai desenvolver en Tui o domingo 26 de maio dentro do produto turístico Eureka posto enmarcha polo Xeodestino Ría de Vigo e Baixo Miño.
Dobre proposta esta fin de semana en Tui dentro das Rutas de Natureza que organiza o Concello de Tui. A actividade centrarase no percorrido, en dúas etapas, pola senda do río Furnia, recuperada o ano pasado polo Obradoiro de Emprego, e incluirá visitas ás igrexas de Malvas e Pexegueiro, a diferentes elementos etnográficos, así coma ao taller do escultor Rai Martínez e á empresa Trigo y Limpio. Os percorridos serán conducidos por Cristian Lago, guía intérprete do patrimonio.
Exitoso comezo esta fin de semana das Rutas de Natureza que promove o Concello de Tui, a través da concellería de Turismo, cunha Ruta Ornitolóxica pola beira do Miño, para a que se cubriron as 25 prazas ofertadas rapidamente. As persoas participantes de Tui, O Porriño, Ponteareas, Salvaterra e Vigo gozaron deste percorrido de introdución á ornitoloxía e interpretación do medio natural.
Andoriñas, rulas, bubelas, paporrubios, xílgaros, miñatos, ou garzas serán algunha das aves que se poderán observar este domingo na primeira das actividades das Rutas na Natureza que organiza o Concello de Tui, a través da concellería de Turismo.
Descubrir o patrimonio natural de Tui é o obxectivo das trece rutas de natureza que organiza o Concello de Tui, a través da concellería de Turismo. Vanse celebrar dende este domingo, 28 de abril, até o 30 de xuño.
Coñecer as aves dende a beira do Miño, un paseo en barco, percorrer a senda do río Furnia ou a do río Tripes, gozar da natureza en rede Natura en Ribadelouro, e mesmo visitar os xardíns ocultos da cidade será posible grazas a esta iniciativa.
Descubrir o patrimonio natural de Tui é o obxectivo das trece rutas de natureza que organiza o Concello de Tui, a través da concellería de Turismo. Vanse celebrar dende este sábado, 28 de abril, até o 30 de xuño.
