O conxunto histórico tudense, o segundo en importancia e tamaño de Galicia, é o máximo expoñente do patrimonio tudense. As rúas vellas de Tui gardan auténticos tesouros mais aló das impoñentes construcións ou das pequenas vivendas que se agrupan nel. Escudos, brasóns, inscricións fan do conxunto histórico de Tui, declarado Ben de Interese Cultural, un lugar para coñecer, aprender e descubrir. Pero outros moitos puntos do centro urbano e das parroquias atesouran outros elementos destacados moitos deles vinculados á cultura popular e do patrimonio relixioso.
Esta fin de semana, coincidindo coa celebración do Día Mundial do Turismo, finalizan as actividades programadas polo Concello de Tui para a celebración das Xornadas Europeas da Cultura Xudía agrupadas baixo a denominación de “Setembro xudeu en Tui”. Así este sábado, 27 de setembro, ás 17 h, haberá unha visita guiada á catedral tudense titulada “A presenza xudía na catedral: da pratería aos sambenitos”.
O cinema centra esta semana unha das derradeiras actividades previstas dentro da programación do Setembro Xudeu organizada polo Concello de Tui. Este xoves, 25 de setembro, ás 20 h no Espazo Sociocultural da rúa Camilo José Cela proxectarase o filme “Santo Oficio” realizado en 1973 por Arturo Ripstein. Nesta actividade colabora o Cineclub Tui.
Esta fin de semana continúan as actividades programadas polo Concello de Tui para a celebración das Xornadas Europeas da Cultura Xudía dentro do programa do Setembro Xudeu. Este sábado, 20 de setembro, ás 17 h sairá dende a Oficina Municipal de Turismo, no Paseo da Corredoira, unha visita guiada polo patrimonio xudeu de Tui e de Valença.
Tui será o escenario dun xogo de escapismo sobre “A comunidade xudía de Tui” que terá lugar este domingo 21 de setembro, ás 11.30 h. Comezará diante da Oficina Municipal de Turismo no Paseo da Corredoira. Esta actividade forma parte da programación do “Setembro xudeu en Tui”.
O concurso de fotografía “O pobo do libro” convocado pola Red de Juderías de España forma parte tamén da programación do Setembro Xudeu.
Para participar débese tomar unha fotografía no photocall situado no exterior da Oficina Municipal de Turismo, e compartila en redes sociais, Instagram ou LinkedIn, mencionando a @redjuderias e incluír a etiqueta #ElPuebloDelLibro2025. O prazo remata o 4 de outubro.
O xurado avaliará a creatividade, a orixinalidade e a conexión do lema das Xornadas Europeas da Cultura Xudía 2025: “O pobo do libro”.
A gastronomía forma parte tamén da programación do Setembro Xudeu. Así o venres, 19 de setembro, celebrarase a “Cea Sefardí: Gastronomía, Música e Patrimonio no Parador de Tui”, con este menú especial, acompañado por música sefardí da man do grupo Kupala. A reserva para esta cea especial debe realizarse antes 15 de setembro no teléfono 986 600 300 ou no correo tui@parador.es cun prezo de 38€ por persoa.
O menú sefardí esta composto por estes pratos:
Este sábado, 13 de setembro, no marco do programa de actividades do “Setembro xudeu en Tui” terá lugar unha nova visita guiada que realizará un percorrido polo patrimonio xudeu, vinculado ás comunidades xudías e criptoxudías que habitaron no conxunto histórico tudense ao longo dos séculos. Comezará ás 11.30 h na Oficina Municipal de Turismo no Paseo da Corredoira.
Durante este mes de setembro pódese visitar no Anexo da Sala de Exposicións Municipal no edificio Francisco Sánchez a exposición “La edad de oro de los judíos de Alandalús’ dentro da programación do Setembro Xudeu.
A mostra ofrece un retrato da vida das comunidades xudías do Mediterráneo entre os séculos X e XIII, especialmente durante a época de esplendor cultural económico en Alandalús. Esta mostra documenta o día a día dos xudeus da península ibérica dos séculos X ao XIII grazas aos documentos que se descubriron na guenizá do Cairo (Exipto).
Máis de medio millar de persoas participaron este verán nas seis actividades que conformaron o programa “Coñece o noso patrimonio”, organizado polo Instituto de Estudos Tudenses en colaboración coa Concellería de Turismo e Patrimonio do Concello de Tui.
Esta iniciativa pechouse cun éxito rotundo de participación nas rutas guiadas, conferencias e visitas especializadas a cargo de investigadores e expertos propostas ao longo dos meses de xullo e agosto, confirmando o crecente interese da cidadanía polo patrimonio cultural tudense.
Dentro do programa de actividades do “Setembro Xudeu” este domingo, 7 de setembro, ás 11.30 h terá lugar unha visita guiada cun percorrido pola ruta xudía no conxunto histórico tudense. Comezará na Oficina Municipal de Turismo no Paseo da Corredoira.
Esta itinerario estará cargo da guía Sara Quintana, que posúe unha dilatada experiencia nas visitas ao conxunto histórico tudense e que tamén está acreditada pola Red de Juderias de España como guía Rasgo, que certifica a súa formación sobre a herdanza xudía.
