O conxunto histórico tudense, o segundo en importancia e tamaño de Galicia, é o máximo expoñente do patrimonio tudense. As rúas vellas de Tui gardan auténticos tesouros mais aló das impoñentes construcións ou das pequenas vivendas que se agrupan nel. Escudos, brasóns, inscricións fan do conxunto histórico de Tui, declarado Ben de Interese Cultural, un lugar para coñecer, aprender e descubrir. Pero outros moitos puntos do centro urbano e das parroquias atesouran outros elementos destacados moitos deles vinculados á cultura popular e do patrimonio relixioso.
Ao longo do mes de setembro as cidades de Tui e de Valença desenvolverán unha ampla programación con motivo da celebración das “Xornadas Europeas da Cultura Xudía” que un ano mais realiza conxuntamente a Eurocidade para mostrar e valorizar o patrimonio xudeu que conservan ambas cidades e enriquece o seu acervo cultural.
AXUDAS PARA COMPRA DE VIVENDA NO CENTRO HISTÓRICO DE TUI
PERSOAS BENEFICIARIAS
• Persoas físicas maiores de idade, que adquiran unha vivenda construída (nova, usada ou que vaia ser obxecto de rehabilitación) no ámbito do Plan Especial de Protección Histórico-Artístico de Tui.
REQUISITOS XERAIS
• Ter subscrito con posterioridade ao 1 de xaneiro de 2021 un contrato privado ou, se é o caso, unha escritura pública de adquisición dunha vivenda.
• Estar empadroado na vivenda, ou en caso de rehabilitación, empadroarse no momento da finalización das obras.
O cárcere vello de Tui, na rúa Sanz, acolle ao longo deste mes de agosto unha Mostra de Traxes Tradicionais organizada pola Asociación Cultural, Xuvenil e Recreativa San Telmo, coa colaboración do Concello de Tui.
Na mesma pódense admirar distintas pezas, algunhas orixinais e outras réplicas, da vestimenta tradicional de distintas zonas de Galicia nos últimos séculos.
A exposición abre de luns a sábado 10 a 13 h e de 17 a 20 h.
De forma paralela os venres dia 13, 20 e 27 de agosto ás 19 h haberá obradoiros musicais.
Hoxe, martes, 13 de xullo, ás 20.30 h será inaugurada a exposición “Via Lusitana. O espazo xacobeo no Norte de Portugal e Galicia”. Está organizada pola Xunta de Galicia no marco das actividades do Ano Xacobeo 2021-2022, e conta nesta ocasión coa colaboración do Concello de Tui.
O acto contará coa presenza de representantes do Concello de Tui e de Turismo da Xunta de Galicia.
O roteiro visual da Eurocidade Tui-Valença achéganos ás manifestación do románico presentes en lugares coma o convento de San Fins, a igrexa de Santa Mª dos Anjos, a Catedral, a igrexa de San Bartolomeu de Rebordáns, ou na igrexa de San Miguel de Pexegueiro.
Do 13 de xullo ao 28 de agosto de 2021 a Sala Municipal de Exposicións do Concello de Tui acolle a exposición "Vía Lusitana. O espazo Xacobeo no Norte de Portugal e Galicia". Está organizada pola República Portuguesa e Xunta de Galicia (Turismo de Galicia) coa colaboración do Concello de Tui.
Este xoves, 1 de xullo, ás 12:30 h no Parador Hostal Reis Católicos en Santiago de Compostela, preséntanse as Guías Turísticas das Xuderías de Tui, Monforte de Lemos e Ribadavia, as tres cidades que forman parte en Galicia da Red de Juderías de España.
No acto participarán o alcalde de Tui, Enrique Cabaleiro, o alcalde de Monforte de Lemos, José Tomé, e a alcaldesa de Ribadavia, Noelia Rodríguez. Tamén asistirán a xerente da Red de Juderías, Marta Puig, xunto á autora das guías, Alejandra Abulafia e a directora de Turismo de Galicia, Nava Castro.
Tui recibirá 329.859,49 € do Plan Nacional Turístico Xacobeo 2021-22 para converter o cárcere vello nun centro de acollida e interpretación de peregrinos e visitantes, proxecto que foi financiado integramente polo Concello de Tui.
O Plan Nacional Turístico Xacobeo ten por obxectivo impulsar os Camiños de Santiago. Foi presentado hai uns días pola ministra de Industria, Comercio e Turismo, Reyes Maroto.
O martes, 22 de xuño, ás 19 h intervirá no Foro do Camiño Portugués, Luís Pedro Martíns, presidente de Turismo do Porto e Norte de Portugal, entidade de promoción turística que agrupa ás administracións públicas e aos diversos axentes implicados no sector turístico do Norte de Portugal.
O vindeiro martes, 22 de xuño, desenvolverase o terceiro relatorio do Foro do Camiño Portugués, creado polo Concello de Tui no mes de abril. Nesta ocasión contará coa intervención de Luís Pedro Martíns, presidente de Turismo do Porto e Norte de Portugal, entidade de promoción turística que agrupa ás administracións públicas e aos diversos axentes implicados no sector turístico do Norte de Portugal.
