Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
As persoas con mobilidade reducida poderán gozar dun baño no río Miño, nas praias tudenses ou do Baixo Miño grazas á cadeira anfibia que vén de mercar o Club Náutico Inclusivo Baixo Miño, que foi presentada esta semana na rúa Olímpicos Tudenses en Tui.
Mañá mércores, ás 12.30 horas, no aparcadoiro dos centros municipais de piragüismo e remo de Tui, na rúa Olímpicos Tudenses, terá lugar a presentación dunha cadeira anfibia adquirida polo Club Náutico Inclusivo do Baixo Miño.
No acto participarán o alcalde, Enrique Cabaleiro, o concelleiro de servizos sociais de Tui, Ismael Diz, a concelleira de igualdade, Ana Mª Núñez, o secretario xeral para o deporte da Xunta de Galicia, José Ramón Lete, e a directora da oficina de CaixaBank de Tomiño.
O Concello de Tui súmase á conmemoración do Día Mundial da Esclerose Lateral Amiotrófica (ELA), que ten lugar mañá venres, 21 de xuño, e do Día Internacional da Síndrome de Dravet, que ten lugar este domingo, 23 de xuño.
Para iso, a fachada da Casa do Concello iluminarase de verde esta noite e de morado o domingo 23. Desta forma, o municipio únese á visibilización destas enfermidades e mostra o seu apoio ás persoas que as padecen e ás súas familias.
Con motivo do Día Mundial das Persoas Refuxiadas o Paseo da Corredoira acollerá o xoves, 20 de xuño, de 11 a 15 h unha serie de actividades organizadas pola Asociación Diversidades en colaboración co Concello de Tui. O obxectivo das mesmas é achegar á cidadanía e veciñanza de Tui a realidade que viven as persoas que teñen que fuxir dos seus países de maneira forzada por mor de conflictos armados, persecucións, relixión, ideas políticas, etc. e solicitar refuxio noutro país coma é España. Ao tempo farán repaso dos 4 años de traballo da entidade en Tui.
A sala do Xacobeo, no edificio Francisco Sánchez, acolle do 20 de xuño ao 18 de xullo a exposición "Fronteiras do pensamento" do fotógrafo Gabriel Tizón.
A inauguración será o xoves 20 ás 19.30 h contando cunha charla-coloquio do autor que a través do seu traballo e experiencia de máis de 30 anos achegará a realidade de tantas persoas que pola desigualdade e os conflictos vense forzados a fuxir buscando refuxio.
Organiza Diversidades Acoge en colaboración co Concello de Tui, Gabriel Tizón, e Utopía project.
Tui conta cun novo parque infantil e área de lecer completamente en Chans do Carrasco en Randufe. Dende hai uns días este novo espazo está xa aberto para o seu disfrute pola poboación.
A actuación realizada supuxo un investimento de case 300 mil euros, e enmárcase na liña de traballo iniciada para mellorar e acondicionar os parques infantís e áreas de lecer no municipio.
O Concello de Tui colabora con AFAGA na Formación sobre a enfermidade de Alzheimer que terá lugar o xoves, 2 de maio, ás 16.30 h a cargo de Beatriz Rodríguez, psicóloga da AFAGA. A entrada é libre. Abordará o alzheimer e doutras demencias, os síntomos, tratamentos e recursos. A entrada é libre.
A casa do concello de Tui iluminouse de vermello esta pasada noite con motivo do Día Mundial da Hemofilia, que se conmemorou onte 17 de abril.
Deste xeito o Concello de Tui respondeu á solicitude realizada dende AGADHEMO, a Asociación Galega de Hemofilia, que con este acto simbólico quere chamar a atención cara ás persoas afectadas por trastornos da coagulación hereditarios. En Galicia son máis de 300 persoas afectadas por esta doenza.
Un total de 235 alumnos e alumnas de 4º da ESO dos IES San Paio e Indalecio Pérez Tizón, do Colexio Maristas Santa María e do Seminario Menor San Paio asistiron esta mañá no Teatro Municipal de Tui, no edificio Francisco Sánchez, a unha nova proxección de “O Cine nas aulas”.
Nesta segunda cita do programa deste curso traballan cunha película onde se fala sobre o fracaso e o éxito, as familias, os logros ou desexos aos que aspiramos, e as drogas. Asistiron así a unha película que presenta unha historia sinxela con personaxes complexos, reais, cribles e entrañables.
A San Silvestre Solidaria de Tui agarda bater un novo récord de participación, superando as 600 persoas participantes, na súa segunda edición o próximo sábado 31 de decembro. A proba foi presentada este mediodía na casa do concello de Tui.
