Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
Trámite de consulta pública da ORDENANZA REGULADORA DOS CRITERIOS DE ADXUDICACIÓN, NORMAS DE FUNCIONAMENTO E UTILIZACIÓN DAS VIVENDAS SOCIAIS MUNICIPAIS DO CONCELLO DE TUI.
A unidade móbil de doazón de sangue de ADOS, Axencia de Doazón de Órganos e Sangue de Galicia, está en Tui o xoves 24 e o sábado 26 de xullo na rúa Casal Aboy a carón do centro de saúde.
O xoves 24 pódese doar de 10 a 14.15 h e de 16 a 21h , e o sábado 26 de 10 a 15 h.
Yiusef, Ahmed, Yusef e Yahida son os nenos saharauís que pasarán o verán con familias acolledoras de Tui grazas ao programa Vacacións en Paz que promove Solidariedade Galega co Pobo Saharauí.
Esta mañá foron recibidos, xunto ás súas familias, na casa do concello polo alcalde, Enrique Cabaleiro, a concelleira, Ana Mª Núñez, e os concelleiros Rafael Estévez e Ismael Diz, tras chegar esta semana a Galicia.
A ribeira de Caldelas acolleu esta semana a clausura da temporada dos programas Cultiva a Mente e Coida o Corpo postos en marcha polo Concello de Tui coa colaboración de AFAGA, a Asociación de Familiares de Persoas con Alzheimer e outras Demencias de Galicia.
Foi unha xornada festiva e de convivencia entre as persoas que ao longo do ano acoden a estas actividades de prevención en cada unha das parroquias tudenses.
Gran acollida ao novidoso programa “Coida o corpo” posto en marcha polo Concello de Tui no pasado mes de marzo en todas as parroquias tudenses, tras a experiencia piloto desenvolvida en outono en Guillarei e Ribadelouro.
Dende o pasado mes de marzo 171 persoas participan neste programa “Coida o Corpo” realizado en colaboración con Afaga, a Asociación de Familiares de Enfermos de Alzheimer e outras demencias de Galicia. 94 persoas máis están en lista de agarda, o que reflicte a boa acollida da iniciativa.
O Concello de Tui desenvolverá a partir do próximo mes de marzo o programa “Coida o corpo” en todas as parroquias tudenses. A iniciativa desenvolverase en grupos, de 15 persoas, maiores de 55 anos.
O programa Coida o Corpo está deseñado para exercitar o corpo a través dunha metodoloxía activa e dinámica, traballaranse habilidades como a coordinación, forza, flexibilidade e resistencia.
O cinema como ferramenta educativa e de traballo é a clave sobre a que hai anos o Concello de Tui leva a cabo o programa “O cine nas aulas”, que cada curso escolar chega ao alumnado de Primaria e Secundaria dos centros educativos do municipio.
Esta mañá tivo lugar unha nova proxección no Teatro Municipal de Tui á que asistiu alumnado de 4º de ESO dos IES’s Indalecio Pérez Tizón e San Paio, do Colexio Maristas Santa María e do Seminario Menor San Paio.
O Concello de Tui fixo entrega a SOS Tomiño Baixo Miño de preto de 300 unidades de alimentos recollidos en dúas iniciativas solidarias desenvolvidas ao longo das últimas semanas.
Por unha parte a Biblioteca Municipal realizou durante o Nadal, un ano máis, o seu Mercado Solidario de Libros no que se intercambiaban libros por alimentos non perecedoiros. Foi moi ampla a variedade de libros ofertados polo centro bibliotecario tudense que se transformaron e máis dun centenar de alimentos coma pasta, lentellas, conservas, leite, ou surtidos variados.
1.900 participantes e unha recadación de 4.365 € a favor da Asociación Española contra o Cancro son dúas das cifras a III San Silvestre Solidaria Tudense celebrada o pasado 31 de decembro. Nesta edición bateuse récord de participación con esas case 2 mil persoas que celebraron de maneira anticipada o fin do ano, percorrendo as rúas de Tui.
A organización correu a cargo do Club Atletismo Tui e o Concello de Tui, coa colaboración da Policía Local e Protección Civil de Tui, da Radio Municipal de Tui e o apoio económico de varias empresas tudenses.
