A ribeira de Caldelas de Tui acolleu este mediodía a clausura dunha nova edición do programa ‘Cultiva a Mente’, iniciado en 2019 e impulsado polo Concello de Tui en colaboración AFAGA, a Asociación de Familiares de enfermos de Alzheimer e outras demencias de Galicia). Nel participaron 134 persoas nun programa que se desenvolveu este ano en nove parroquias de Tui: Areas, Caldelas, Guillarei, Pazos de Reis, Rebordáns, Randufe, Ribadelouro, Pexegueiro e Malvas.

Polo Día Mundial da Esclerose Lateral Amiotrófica, a fachada da Casa do Concello de Tui iluminouse onte de verde, respondendo á solicitude de asociaciones para concienciar sobre a enfermidade e exixir máis investigación para aumentar a esperanza de vida dos pacientes con ELA.

Cada ano detéctanse en Galicia 50 novos casos dunha enfermidade que afecta na nosa comunidade a máis de 170 persoas.

Mañá, 31 de maio, é o Día Mundial Sen Tabaco, promulgado pola Organización Mundial da Saúde (OMS) en 1987, co obxectivo de informar e concienciar sobre os efectos nocivos e letais do consumo de tabaco e da exposición pasiva ao fume desta substancia.

Por este motivo o Servizo de Prevención de Drogodependencias do Concello de Tui, está levando a cabo uns obradoiros dirixidos ao alumnado de 6 de Primaria nos CEIP’s de Guillarei, no Nª 2  e no Colexio Maristas Santa María.

Facer que as instalacións municipais sexan accesibles para todas as persoas independentemente das súas particularidades físicas, sensoriais ou intelectuais é o obxectivo do convenio que hai uns días asinaba o Concello de Tui coa Federación de Autismo de Galicia dentro do proxecto “Concello de Tui Accesible”.

O alcalde de Tui, Enrique Cabaleiro, asinou o documento con Aitana García, responsable da Área de Accesibilidade da Federación, nun acto no que participoaron tamén o concelleiro de Servizos Sociais, Ismael Diaz, e Montse Mon, presidenta da asociación tudense Un Máis.

Un total de 134 persoas participan no proxecto Cultiva a Mente, impulsado polo Concello de Tui en colaboración con AFAGA (Asociación de Familiares de enfermos de Alzheimer e outras demencias de Galicia), en nove parroquias tudenses.

O principal obxectivo desta iniciativa é previr o deterioro neurodexenerativo e a promoción de hábitos saudables a nivel cognitivo, emocional, físico, funcional e social, promovendo un envellecemento activo. Actualmente, o 83% das participantes son mulleres e a idade media dos usuarios e usuarias é 76,5 anos.

O alcalde de Tui, Enrique Cabaleiro, xunto a membros do equipo de goberno de todos os grupos da corporación municipal reuniuse onte á tarde no salón de sesións da casa do concello con medio centenar de persoas afectadas polos incendios rexistrados en cinco puntos do conxunto histórico de Tui na madrugada do domingo ao luns.

Até o próximo mércores, 22 de febreiro, o Anexo da Sala Municipal de Exposicións do Concello de Tui, no edificio Francisco Sánchez – antiga Área Panorámica – acolle unha exposición-concurso de antefaces de Entroido realizada por persoas usuarias dos centros de AFAGA, Asociación de Familiares de Alzheimer de Galicia.

No concurso participan un total de once centros de AFAGA, situados en Tui, Salceda, Ponteareas, O Porriño, Mos, Nigrán, Baiona, Vigo Sede, Vigo Beiramar, Chapela, e Redondela.

Un total de 198 alumnos e alumnas e docentes de 4º de ESO do IES San Paio, do Colexio Maristas Santa María e do Seminario Menor San Paio asistiron esta mañá á proxección da segunda película do programa “O Cine nas Aulas”, no Teatro Municipal de Tui.

Con esta película traballarán sobre valores de igualdade, respecto ás persoas e non agresión baixo ningún concepto; drogas e submisión química.

O pasado xoves, 5 de xaneiro, tivo lugar a entrega dos alimentos recollidos no Mercadiño Solidario de Libros organizado ao longo do mes de decembro pola Biblioteca Municipal de Tui.

Persoas voluntarias da Asociación Asistencia SOS Tomiño Baixo Miño e a coordinadora dos Servizos Sociais Municipais  achegáronse ata a Biblioteca Municipal, para recoller os alimentos que foron entregados polos usuarios e usuarias deste centro bibliotecario.

O Concello de Tui, a través do departamento de Servizos Sociais, organiza un ano máis, en colaboración coa Asociación Española contra o Cancro, un curso de dehabituación tabáquica, dirixido a persoas maiores de 18 anos.

Esta actividade comezará o próximo mes de xaneiro, celebrándose os mércores de 17 a 18.30 h. Constará de 7 sesións de hora e media cada unha na que se brindará apoio técnico, consellos e acompañamento no proceso de deixar o tabaco.