Tui conta cunha ampla oferta formativa dende os primeiros anos da infancia nas Escolas Infantís, posteriormente nos ciclos de Infantil e Primaira nos colexios, a ESO, Bacharelatos e Ciclos Formativos nos institutos até a universidade cos estudos do grao en Psicoloxía que oferta a Aula da UNED.
Tamén se poden cursar estudos regrados de idiomas na sección de Tui da Escola Oficial de Idiomas ou de música no Conservatorio Profesional de Grao Medio.
A ampla oferta de actividades de extensión universitaria na Aula da UNED, cursos de formación ocupacional no Centro Municipal de Formación forman parte da oferta educativa tudense, que se completa cos cursos promovidos por distintas asociacións e entidades ao longo do ano.
Esta mañá presentouse na sala de reunións da casa do Concello de Tui a IV Mostra da Camelia Cidade de Tui, organizada por ATUCA, Amigos Tudenses da Camelia, coa colaboración do Concello de Tui, Deputación de Pontevedra e Sociedade Esp
Convocatoria e bases reguladoras para bolsas de estudo para ensinanzas musicais do curso 2018/2019 para o Conservatorio/Escola de Musica de Tui.
Aprobadas en Xunta de Goberno Local en sesión realizada o 26 de novembro de 2018, e publicadas no Boletín Oficial da Provincia de Pontevedra nº 241, de data 17 de decembro do 2018.
O antigo convento de San Domingos, onde se ubica a aula da UNED de Tui conta xa cunha caldeira de pellets que permite dotar de calefacción a todo o edificio para que se poidan impartir así as distintas clases nas mellores condicións de climatización.
En concreto a instalación desta caldeira supuxo un investimento de 49.866,77€ con cargo do Plan Concellos 2017 da Deputación de Pontevedra
A concellería de Educación do Concello de Tui asume neste curso o desprazamento dos escolares dos distintos centros educativos de Tui cara ao Teatro Municipal de Tui para asistir as distintas funcións programadas nos próximos meses para o alumnado de Infantil e Primaria. Deste xeito búscase garantir a igualdade de oportunidades de todos os escolares para asistir a esta programación cultural que se realiza en horario escolar, proporcionando o desprazamento necesario aos centros educativos, segundo explicaba a concelleira de Educación, Mila González.
Os once alumnos e alumnas da aula do Souto do CRA Mestra Clara Torres despediron hoxe o curso escolar 2017/18 no seu centro logo de que foran reparados os danos ocasionados pola explosión do pasado 23 de maio no barrio da Torre. Até o colexio achegáronse esta mañá o alcalde de Tui, Carlos Vázquez Padín, a concelleira de Educación, Mila González, e o xefe territorial de Educación, César Pérez Ares. Estivo tamén presente a directora do CRA Mestra Clara Torres, Teresa Domínguez, a titora e pais e nais do alumando.
Mañá xoves, 21 de xuño, ás 12.30 horas terá lugar un pequeno acto de reapertura da aula do Souto do CRA Mestra Clara Torres que resultara danada na explosión do pasado 23 de maio.
Asistirán o alcalde, Carlos Vázquez Padín, a concelleira de Educación, Mila González, o xefe territorial de Educación, César Pérez Ares, e a directora do CRA Mestra Clara Torres, Teresa Domínguez. Tamén estarán presentes a titora da aula, os nenos que mañá despedirán o curso na súa aula, e as súas familias.
Esta mañá presentouse no salón de plenos do Concello de Tui a Aloiada 2018, que se celebrará os días 14 e 15 de xuño e na que participarán máis de 200 nenos e nenas de sexto de primaria dos centros educativos de Tui.
O Concello de Tui, a través da concelleira de Educación do Concello de Tui, Mila González, amosa a súa satisfacción logo de que a pasada semana teñan comezado as obras para instalación dun ascensor no CEIP de Guillarei. Esta foi unha das solicitudes que tanta ela coma o alcalde, Carlos Vázquez Padín, presentaron o pasado mes de febreiro ao xefe territorial de Educación, César Pérez, no encontro que mantiveron na delegación da Xunta en Vigo.
Ás 13h de hoxe luns, 30 de abril, tivo lugar a inauguración do novo comedor escolar do CEIP nº2 de Tui. Dende hoxe os alumnos deste centro educativo que acoden a este servizo xantarán xa nas novas instalacións na antiga casa do conserxe que foi reformada para albergar estas novas instalacións.
Ás 13h de hoxe luns, 30 de abril, terá lugar a inauguración do novo comedor escolar do CEIP nº2 de Tui. Dende hoxe os alumnos deste centro educativo que acoden a este servizo xantarán xa nas novas instalacións na antiga casa do mestre que foi reformada para albergar estas novas instalacións.
Á inauguración deste mediodía acudirán o alcalde, Carlos Vázquez Padín, e a concelleira de Educación, Mila González.
