Tui conta cunha ampla oferta formativa dende os primeiros anos da infancia nas Escolas Infantís, posteriormente nos ciclos de Infantil e Primaira nos colexios, a ESO, Bacharelatos e Ciclos Formativos nos institutos até a universidade cos estudos do grao en Psicoloxía que oferta a Aula da UNED.
Tamén se poden cursar estudos regrados de idiomas na sección de Tui da Escola Oficial de Idiomas ou de música no Conservatorio Profesional de Grao Medio.
A ampla oferta de actividades de extensión universitaria na Aula da UNED, cursos de formación ocupacional no Centro Municipal de Formación forman parte da oferta educativa tudense, que se completa cos cursos promovidos por distintas asociacións e entidades ao longo do ano.
“Cuentos con moito conto” é o título do cd solidario que vén de editar o CRA Mestra Clara Torres de Tui con nove historia de OQO editora narradas en galego e castelán. Porase á venda ao prezo de 10€ e os fondos recadados serán para os dous nenos que quedaron orfos na explosión rexistrada o pasado ano en Paramos.
Cun investimento de 56.686,19 € nos últimos días rematáronse as obras de Reforma das Instalacións do Conservatorio Profesional de Música de Tui, situado na Avenida da Concordia. Estas obras executáronse con cargo ao Plan Concello 2017 da Deputación de Pontevedra.
Máis de 600 alumnos e alumnas con idades entre os 3 e os 7 anos de centros educativos de Tui asistirán mañá mércores, 27 de novembro, no Teatro Municipal á representación de “Somos iguais. Contos pola igualdade” con Raquel Queizás. Está organizada pola concellería de Cultura de Ensino, da man de
A casa do Concello de Tui iluminarase de azul na noite do mércores 13 ao xoves 14 de novembro para conmemorar o Día Mundial da Diabetes.
Mañá mércores, 13 de novembro, ás 11.30 h na sala de reunións da casa do concello de Tui terá lugar a presentación das XXIV Xornadas da Sección de Psicoloxía e Saúde do Colexio Oficial de Psicoloxía de Galicia “Accesibilidade á atención psicolóxica durante e despois dunha catástrofe: experiencia Tui-Paramos” que se van celebrar en Tui dende este xoves até o sábado.
Onte martes, 5 de novembro, celebrouse na sala de concelleiros da Casa do Concello de Tui, a primeira das reunións de planificación do proxecto “Aloiada 2020”. Nesta actividade organizada polos oitos colexios de Tui, en colaboración co Concello de Tui, ao longo de dous días, os rapaces e rapazas de 6º de Primaria de Tui, participan en diferentes actividades no medio natural, tanto no Parque Natural do Monte Aloia e no Monte Galiñeiro, como no río Miño.
Mañá mércores, 16 de outubro, ten lugar a primeira das proxeccións deste curso 2019/2020 do programa “O Cine nas aulas” que desenvolve o departamento de Prevención de drogodependencias do Concello de Tui.
Mañá asistirán ao Teatro Municipal de Tui 274 alumnos e alumnas de 5º e 6º de primaria, do CEIP Pazos de Reis, CEIP Nº1, CEIP Nº2, CEIP de Randufe e CEIP de Guillarei. Tras a proxección recollerán as Unidades didácticas coas que logo traballarán nas aulas.
Ao longo das últimas semanas, aproveitando as vacacións escolares, o Concello de Tui está realizando distintas obras de mantemento nos centros escolares cun investimento de 40 mil euros de fondos propios. O arranxo de teitos, solos, valados, pintado de aulas son parte das actuacións realizadas. Debido a antigüidade dos centros educativos dende a concellería de Ensino son conscientes da necesidade doutras reparacións que se irán acometendo.
O alcalde de Tui, Enrique Cabaleiro, e a concelleira de Ensino e Cultura, Sonsoles Vicente, recibiron hoxe ao alumnado do IES Indalecio Pérez Tizón que participou este curso no programa Erasmus +. O vicedirector do centro Xosé Manoel Álvarez acompañou na visita á casa do concello aos alumnos e alumnas do ciclo de Comercio Cristina Míguez, Estefanía Lago e Hanns Heironimus e do de Electricidade Miguel das Dores e Cristian Zilmam.
Mañá martes, 2 de xullo, ás 12 h na sala de reunións da casa do concello de Tui o alcalde, Enrique Cabaleiro, e a concelleira de Ensino e Cultura, Sonsoles Vicente, recibirán ao alumnado do IES Indalecio Pérez Tizón que participou este curso no programa Erasmus +.
