Tui conta cunha ampla oferta formativa dende os primeiros anos da infancia nas Escolas Infantís, posteriormente nos ciclos de Infantil e Primaira nos colexios, a ESO, Bacharelatos e Ciclos Formativos nos institutos até a universidade cos estudos do grao en Psicoloxía que oferta a Aula da UNED.
Tamén se poden cursar estudos regrados de idiomas na sección de Tui da Escola Oficial de Idiomas ou de música no Conservatorio Profesional de Grao Medio.
A ampla oferta de actividades de extensión universitaria na Aula da UNED, cursos de formación ocupacional no Centro Municipal de Formación forman parte da oferta educativa tudense, que se completa cos cursos promovidos por distintas asociacións e entidades ao longo do ano.
Ás 13h de hoxe luns, 30 de abril, terá lugar a inauguración do novo comedor escolar do CEIP nº2 de Tui. Dende hoxe os alumnos deste centro educativo que acoden a este servizo xantarán xa nas novas instalacións na antiga casa do mestre que foi reformada para albergar estas novas instalacións.
Á inauguración deste mediodía acudirán o alcalde, Carlos Vázquez Padín, e a concelleira de Educación, Mila González.
Esta mañá reuníronse na casa do concello de Tui o alcalde de Tui, Carlos Vázquez Padín, a concelleira de Educación, Mila González, e a secretaria do Centro Asociado da UNED en Pontevedra, María Troncoso, para buscar unha solución á apertura da aula tudense.
Mañá mércores, 28 de febreiro, ás 11h na Aula CEMIT Área Panorámica de Tui celebrarase unha xornada sobre o programa DepoIntegra Xoven que oferta o itinerario formativo de “Confección e publicación de páxinas web” na comarca do Baixo Miño. Estarán presentes a deputada de Emprego, Montserrat Magallanes, e a concelleira de Emprego, Milagros González, e o concelleiro de Cultura, Eduardo Freiría.
O Concello de Tui, a travaés do alcalde de Tui, Carlos Vázquez Padín, e a concelleira de Educación, Mila González, presentaron hoxe ao xefe territorial de Educación, César Pérez Areas, a proposta para emprazar na Macoca o novo colexio de Pazos de Reis.
O próximo luns, 19 de febreiro, volverá abrir no seu horario habitual – de luns a venres de 16 a 21h – a Aula da UNED de Tui logo acordo chegado nos últimos días entre o Concello e a UNED no referido á contratación dun conserxe para este centro.
O martes, 20 de febrero, ás 11h na Sala anexa de exposicións da Área Panorámica será inaugurada a exposición “Sorrisos transformadores” da Deputación de Pontevedra e de Arelas, Asociación de Familias de Menores Trans . O acto comezará ás 11h cunha conferencia a cargo de Cristina Palacios, presidenta da asociación Arelas, na Sala Félix Rodríguez.
O goberno municipal de Tui traballa para solucionar as carencias que na actualidade presentan as dependencias que acollerán o comedor do CEIP nº2 de Tui na antiga casa do conserxe deste centro. A gran demanda deste servizo que presta este centro educativo fixo que se plantéxase un novo emprazamento cara un lugar con maior capacidade.
Data de fin de prazo: 05-07-2017 Formalización de Contrato
Expediente: OBRAS
Resolución de adxudicación de contrato de obra, que se transcribe en documento pdf no apartado de documentos da presente licitación.
Cuarta Tenente de Alcalde
Concelleira de Ensino, Cultura e Mocidade
