Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Tui prepárase para despedir o ano de forma festiva con deporte, música e solidariedade. Mañá baterá récord de participación na San Silvestre que en só tres edicións se consolida cunha cunha gran acollida coma demostran as 1879 persoas inscritas. Con esta proba as rúas da cidade serán unha festa para despedir o ano.
O Concello de Tui entregará o próximo xoves, 2 de xaneiro, ás 18 h no Salón de Plenos da Casa do Concello unha “Mención Honorífica Especial” a Carlos Pérez Antón - popularmente coñecido como Carlos Fonterosa - en recoñecemento a unha dilatada traxectoria persoal de apoio e promoción da actividade social, comercial e cultural da nosa cidade.
A Eurocidade Tui-Valença prepárase para vivir unha tarde máxica de Reis coa tradicional Cabalgata Internacional, que terá lugar o próximo domingo, 5 de xaneiro. As súas Maxestades, Melchor, Gaspar e Baltasar, teñen previsto chegar ás 16:30 h á estación de tren de Valença. Dende alí, iniciarán un percorrido de 3,5 quilómetros acompañados por unha ampla comitiva de máis de 200 persoas ata o Paseo da Corredoira en Tui.
Nestas datas de Nadal a Biblioteca Municipal de Tui está a agasallar a todos os nenos e nenas de até 9 anos de idade que retiren un libro en préstamo cun exemplar da obra clásica dos Irmáns Grimm “Branca de Neve e os sete ananos” adaptada e ilustrada por Ánxeles Ferrer, que vai acompañada dun CD cun audio-conto.
A programación de Nadal continúa a encher de maxia Tui con diferentes propostas nos próximos días.
O Teatro Municipal de Tui acollerá hoxe venres e mañá sábado os concertos de Nadal da Banda de Música Popular de Tui e das tres corais tudenses, Centro Sociocomuntiario, Ponte das Febres e San Telmo, respectivamente. As entradas para estes eventos musicais están á venda en tui.gal.
Amais hoxe venres ás 16.30 h na Residencia Paz e Ben actuará a Coral San Telmo.
As tres corais tudenses volven sumarse á maxia do Nadal de Tui co seu tradicional concerto de Nadal. A Coral Ponte das Febres, a do Centro Sociocomunitario e a de San Telmo actuarán no Teatro Municipal de Tui este sábado 28 ás 20 h.
Cada unha das corais interpretará cinco cancións, entre as que se atopan panxoliñas tradicionais, en galego, castelán e inglés, e outras pezas como “Meus amores”, “Galicia canta” ou “Para quererte tanto”.
O concerto rematará cunha actuación conxunta entre as tres corais, interpretando “Los amigos así”.
Un conto de Nadal no que contarán a historia de Santa Claus. Así será o Concerto de Nadal que mañá venres, ás 21.30 h, ofrecerá no Teatro Municipal de Tui a Banda de Música Popular de Tui baixo a dirección de Eloy Carrera. No evento participará tamén o grupo de teatro Aloia de Pazos de Reis, que xunto a un narrador, unha cantante e os integrantes da banda tudense brindarán un espectáculo cheo de maxia.
A maxia do Nadal encherá Tui de música e ilusión esta fin de semana. Entre as actividades previstas destacan o Concerto de Nadal da Eurocidade, actuacións das corais tudenses e concerto da orquestra Claxxon. Amais continúa o Mercado de Nadal no Paseo da Corredoira e o Taller Máxico de Papa Noel no edificio da praza da Inmaculada, que contará coa presenza dos elfos e do propio Papa Noel.
A maxia do Nadal chega tamén á Biblioteca Pública Municipal de Tui cunha oferta de actividades dirixidas a todas as idades pero con especial atención á rapazada que ten nestas datas un especial protagonismo.
Este mércores, 18 decembro, ás 19.30 h a Biblioteca Municipal de Tui acolle a presentación do libro de Ricardo Canosa Bastos ¨Los límites del crecimiento económico y la crisis de ideas de la izquierda¨. Esta recente publicación do economista e escritor do Porriño Ricardo Canosa presenta unha reflexión sobre os límites do desenvolvemento e o progreso no mundo actual.
