A próxima semana comezarán a executarse as obras de reordenación da rotonda situada no cruzamento entre a N-550 e a PO-404 en Guillarei e o seu entorno actuando nunha superficie de 2.198,11 m². A proposta a executar ten por obxectivo o embelecemento desta entrada ao centro urbano  dotándoa dun carácter representativo e diferencial, xerando un espazo de baixo e doado mantemento. Suporá un investimento de 47.908,79 euros, financiados ao abeiro do Plan Concello 2017, e será executada pola empresa Calfensa Proxectos SL. .

O próximo luns, 23 de setembro, comezarán as obras de acondicionamento dos xardíns de Troncoso financiadas ao abeiro do Plan Concellos 2017 da Deputación de Pontevedra. Teñen un prazo de execución de mes e medio.  O obxectivo é rexenerar este espazo público situado no Paseo Familia Álvarez Blázquez que comunica o céntrico Paseo da Corredoira coa rúa Antero Rubín. A zona sobre a que se vai actuar era un dos antigos baluartes da muralla da cidade polo que as actuacións a realizar contarán cun control arqueolóxico durante a obra.

O Concello de Tui convocará nos próximos días a unha reunión informativa aos afectados de Paramos e Guillarei pola explosión do 23 de maio de 2018.  O alcalde, Enrique Cabaleiro, a concelleira de Urbanismo, Yolanda Rodríguez, e o técnicos municipais explicarán de xeito pormenorizado a situación actual e resolverán as dúbidas que os propios afectados poidan plantexar.

A Oficina de Urbanismo que está a xestionar os expedientes relacionados coa catástrofe de Paramos funciona con total normalidade. Ten concedido 12 licenzas de obras maior e 96 comunicacións previas. Así o informou esta mañá o alcalde de Tui, Enrique Cabaleiro, xunto á concelleira de Urbanismo, Yolanda Rodríguez.

A concellería de Parques e Xardíns do Concello de Tui está a realizar traballos para renovar, e nalgún caso mudar, as plantas existentes nos distintos xardíns do centro urbano e tamén nos maceteiros colocados nas rúas tudenses.

O alcalde de Tui, Enrique Cabaleiro, amosou hoxe a súa satisfacción polo compromiso do goberno central para levar a cabo a remodelación da Avenida de Portugal dende a vella Ponte Internacional até o cruzamento co Parador de Turismo. Así llo confirmou a subdelegada do goberno en Pontevedra, Maica Larriba, na reunión que mantiveron este mediodía na casa do concello.  O alcalde lembrou que esta era unha vella demanda da cidade que fóra xa obxecto dunha moción plenaria en 2011 e que cando chegaron ao goberno en 2015 foi a primeira memoria valorada que realizaron.

Na mañá de hoxe presentouse no Concello de Tui o inicio dos traballos do Plan de Mellora, Diagnose e Elaboración do Catálogo de Procedementos do departamento de Urbanismo que comezará a vindeira semana e estará rematado en 3 ou 4 meses aproximadamente.  A presentación correu a cargo de Carlos Vázquez Padín, alcalde de Tui en funcións, e de Manuel Veloso, da empresa adxudicataria EOSA.

O traballos van tratar diversos ámbitos:  normativo, de organización e funcionamento do departamento, os sistemas de información e os recursos humanos e o seu desenvolvemento.

Mañá, venres 6 de xuño, ás 12.30h terá lugar no salón de concelleiros do Concello de Tui a presentación do inicio dos traballos do Catálogo de Procedementos e Auditoría do Departamento de Urbanismo.

Na presentación estarán o alcalde de Tui en funcións, Carlos Vázquez Padín, e Manuel Veloso de EOSA, empresa encargada dos traballos.

Na mañá de hoxe presentouse no Concello de Tui o Concurso de Ideas para a Reordenación da Fronte Fluvial. Estiveron no acto o alcalde de Tui, Carlos Vázquez Padín, xunto a Antonio Davila, Manuel Martínez e Simón Pereiro da delegación en Vigo do Colexio de Arquitectos de Galicia.

Tui será un dos concellos que se beneficie do programa Rexurbe da Xunta de Galicia. En concreto o Instituto Galego de Vivenda e Solo, IGVS, destinará 300 mil euros á adquisición de inmobles situados no conxunto histórico de Tui para a construción de edificios de vivendas ou para a súa rehabilitación ou renovación.