Facebook Twitter Vimeo Instagram Youtube

Trazar as liñas mestras da ordenación do territorio, e autorizar as actuacións permitidas en cada ámbito son as tarefas básicas do Urbanismo municipal, pero mais aló deste labor fundamental en calquera cidade, o urbanismo busca tamén conseguir que a vida dos cidadáns se desenvolva nun entorno amable e cómodo. Unhas rúas cada vez mais humanizadas, no sentido mais estrito da verba, pensadas, deseñadas e realizadas para o día a día das persoas. O conxunto Histórico de Tui co seu Plan Especial é unha das máximas preocupacións urbanísticas da cidade. Buscar que o casco urbano creza de xeito ordenado e atractivo e que o rural sexa un espazo harmonioso e que conserve o seu patrimonio é  misión fundamental do urbanismo municipal.

MODELOS E SOLICITUDES URBANÍSTICAS

Ordenanza fiscal ocupacion solo, subsolo e voo

Ordenanza da taxa por ocupación con tendidos, tubaxes e galerías para as conducións de enerxia eléctrica, auga, gas ou calquera outro fluído incluídos os postes para liñas, cables, palomillas, caixas de amarre, de distribución ou de rexistro, transformadores, rieles, básculas, aparatos para a venda automática e outros semellantes que se establezan sobre vías públicas ou outros terreos de dominio público local ou voen sobre os mesmos.

Esta ordenanza reguladora entrou en vigor el 01/01/1999.

O anexo á mesma publicouse en BOPPO Nº 42 do 28 de febreiro de 2008.

Rematadas as obras de mellora da capa de rodadura do vial O Calvario-Baños en Caldelas

Undefined

Está xa rematada a obra de mellora da capa de rodadura no vial que une os lugares de O Calvario e Baños na parroquia tudense de Caldelas.  

Os traballos, que abrangueron unha superficie de 1.980 m2, consistiron na limpeza das cunetas, fresado do firme existente, reposición do pavimento e tapas de saneamento, pintado da sinalización horizontal e obras accesorias. 

As praias de Areeiros e O Penedo acondicionadas para o verán

Undefined

O Concello de Tui vén de rematar o acondicionamento dos espazos de uso público das praias fluviais de Areeiros, en Guillarei, e do Penedo en Caldelas.

Procedeuse á limpeza destes espazos ao balizamento da zona de baño por terceiro ano consecutivo, co que se mellora a seguridade dos bañistas que acoden a estas praias.

Este ano, non contarán con baños públicos ante a dificultade do cumprimento da normativa establecida en materia sanitaria debido á pandemia da COVID 19.

Comezan os traballos previos para a construción da pasarela peonil e a senda do Louro

Undefined

O Concello de Tui iniciou esta semana os labores de retirada dos elementos existentes na finca afectada pola construción dunha pasarela sobre o río Louro. Estes traballos comezaron tras a sinatura das actas de ocupación para poder por a dispor da Confederación Hidrográfica do Miño Sil os terreos libres de cargas.

Tui amplía a súa superficie industrial con 105 mil metros cadrados en Ribadelouro

Undefined

Tui contará con 105 mil metros cadrados de solo industrial no Polígono Industrial de Ribadelouro. A Dirección Xeral de Ordenación do Territorio e Urbanismo vén de aprobar definitivamente a modificación puntual do Plan Xeral de Ordenación Municipal, PXOM, para o desenvolvemento dos sectores SU-2A e SU-2B.  Dende o Concello procederase agora a inscrición do solo no rexistro de planeamento, e a súa publicación no Boletín Oficial da Provincia, tras o que transcorrido o prazo de entre 10 e 15 días esta aprobación entrará en vigor.  

O Concello de Tui está a executar a renovación total do parque infantil da Gándara en Guillarei

Undefined

Dende comezos de mes estanse a executar as obras de renovación total do parque infantil da Gándara en Guillarei. Suporán un investimento de 127.676,38 € financiados con cargo ao Plan Concellos 2019 da Deputación de Pontevedra.

A actuación contempla a renovación de toda a solera e un novo peche perimetral do parque. Crearanse dous espazos diferenciados, ambos con céspede artificial.

Acondiconamento da senda peonil e ciclista na Veiga do Louro

Undefined

A senda peonil e ciclista da Veiga do Louro vai ser acondicionada mellorando a seguridade na mesma e creando zonas de descanso. 

O proxecto a executar ascende a 117.276,09 €, financiados con cargo ao Plan Concellos 2020 da Deputación. Está xa adxudicado polo que as obras darán comezo en breve. 

Actuarase ao longo de quilómetro e medio, dende a intersección coa Ponte Romana até a rotonda situada na PO-404.  

Páxinas

Subscribirse a RSS - Urbanismo