O xoves 17 e o venres 18 de novembro, de 9 a 14 h , terá lugar no Centro Municipal de Formación un curso de Manipulación de Alimentos e APPCC, Análise de Perigos e Puntos de Control Crítico, de 10 horas lectivas. 

As pesoas interesadas deben ter 16 ou máis anos, non ter ningunha condición física ou psíquica que impida o normal desenvolvemento da acción formativa nos dous módulos que a compoñen e estar empadroado/a no Concello de Tui.

Até o próximo xoves, 10 de novembro, está aberto o prazo de inscrición para o curso de Operario/a de loxística de 75 horas lectivas que se vai impartir no Centro Municipal de Formación e Emprego en Guillarei. Constará de dous módulos.

O Módulo I de Xestión de Almacén e liña de produción celebrarase entre o luns 14 e o venres 25 de novembro en horario de 15 a 20 h. Mentres o Módulo II de Manexo de Carretillas Elevadoras terá lugar do luns 28 de novembro ao venres 2 de decembro en horario de 9 a 14 h. 

Até o 4 de novembro está aberta a inscrición para os cursos en liña e gratuítos que ofrece a Aula Mentor. As prazas son limitadas. As persoas interesadas deben inscribirse na Aula Mentor do Concello de Tui, no Centro Municipal de Formación e Emprego, a través do correo elecctrónico tui@aulamentor.es.

As prazas son limitadas e serán asignadas por orden de recepción, polo que as persoas interesadas deben agardar á confirmación da súa admisión.

A formación comezará o día 7 de novembro.

Está aberto o prazo de inscrición para os dous cursos de formación de “Instalación de Elementos de Carpintería” e de “Venda de Produtos e Servizos Turísticos” que se van impartir no Centro Municipal de Formación e Emprego en Guillarei.

Esta administración ten aberto proceso selectivo para unha segunda ampliación da lista de reserva de profesores de piano, o prazo para a presentación de instancias é de 5 días hábiles, prazo que remata o día 04/11/2022.

O Concello de Tui aposta pola formación e emprego desenvolvendo distintos proxectos como obradoiros de emprego, cursos de formación e actividades que contribúan a mellorar a empregabilidade da veciñanza tudense. O Centro Municipal de Formación e Emprego, en Guillarei, acolle actualmente intensa e variada actividade cunha ocupación nas súas instalacións superior ao 90%.

Mediante Resolución da concellería delegada de persoal de data 21.10.2022, se aprobou a lista de admitidos o nomeamento de tribunal e se sinalou a data de realización da valoración de méritos, dentro do proceso selectivo para a ampliación e unificación da lista de reserva para contratacións temporais de profesores de óboe.

A valoración de méritos será o vindeiro luns día 24.10.2022 as 12:00 horas.

O Concello de Tui, publicou hoxe (17.10.2022) no BOPPO anuncio de inicio de prazo de presentación de instancias para o proceso de selección para formación  de lista de reserva para nomeamentos interinos de prazas de auxiliar administrativo

O prazo de presentación de instancias (de 10 días hábiles) é dende o martes día 18/10/2022 ata o luns 31/10/2022, ambos incluídos.