O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Mañá xoves, 27 de agosto, ás 12.00 horas, realizarase o acto de reapertura das Pistas Municipais de Tenis de Areas, tras as obras de remodelación levadas a cabo na instalación.
No mesmo estarán presentes o alcalde de Tui, Enrique Cabaleiro, o concelleiro de Deportes de Tui, Rafael Estévez, xunto a outros membros da corporación municipal, así como o presidente do Club Tenis Tui, Pablo García e outros membros do club.
A Selección Uruguaia de Remo está concentrada até o mes de outubro no CETD de Remo de Tui. Está mañá foron recibidos na casa do concello polo alcalde, Enrique Cabaleiro, o concelleiro de Deportes, Rafael Estévez, e representantes dos cinco grupos presentes na corporación municipal: Jose Ramón Magán do PSOE, José Ángel Fernández do PP, Pilar Besada de C’s, José Martínez Tato do BNG, José Manuel Palacín de C21 e Laureano Alonso de En Marea. Estivo tamén presente Manuel Ángel González, presidente do Club Remo do Miño, e Jesús González, remeiro tudense do Remo do Miño.
Mañá venres, 21 de agosto, ás 11.00 horas, no Salón de Plenos do Concello de Tui, terá lugar unha recepción aos integrantes da Selección Uruguaia de Remo, concentrados no CETD de Remo de Tui, como preparación para a regata clasificatoria para os Xogos Olímpicos de Tokio 2021.
A partir do luns, 17 de agosto, o Centro Especializado de Tecnificación Deportiva de Piragüismo e Remo de Tui acollerá a concentración da Selección Nacional Uruguaia de remo, composta por seis deportistas e un adestrador. Permanecerán nestas instalacións ata o 12 de outubro, preparando a regata preolímpica clasificatoria para Tokio 2021. O río Miño, as instalacións de Tui e o alto nivel dos deportistas tudenses, fixeron que a Federación Uruguaia de Remo escollera esta opción, segundo explica o concelleiro de Deportes, Rafael Estévez.
O Concello de Tui ven realizando distintas labores de mantemento nas instalacións deportivas municipais pese a que o inicio da temporada dos deportes de equipo non está clara, debido a pandemia da Covid-19.
A semana pasada, unha empresa especializada, realizou o mantemento nos campos de céspede sintético de “O Foxo” de Caldelas, “Santa Columba” de Ribadelouro e no “Álvarez Durán” de Tui. Os labores consistiron na limpeza da superficie, aireación do revestimento, descompactación do caucho, pegado de xuntas e cepillado do céspede.
O Concello de Tui quere expresar as súas condolencias polo pasamento esta fin de semana de Luís López Pimentel, presidente do Club Hípico Equigalia. Dende o Concello quérese enviar unha mensaxe de apoio e cariño á súa familia, amigos e membros do club.
O sábado, 15 de agosto, vaise celebrar o 49º Descenso Internacional do Miño organizado polo Club Kaiak Tudense. Será en xornada de mañá e tarde con saída dende Salvaterra e chegada a Tui.
Contará con medidas especiais adaptadas as actuais circunstancias.
O Concello de Tui volve ser sede dunha das probas do Campionato Galego Inclusivo de Slalom de Motonáutica. Está organizado pola Federación Galega de Motonáutica, coa colaboración do Concello de Tui, da Comandancia Naval do Miño e por Protección Civil de Tui.
Os clubs deportivos tudenses teñen ao seu dispor unha aplicación móbil para a xestión das subvencións nominativas do Concello de Tui.
O domingo 19 de xullo realizarase a terceira marcha de senderismo popular Ultreia polo Camiño de Santiago dende Tui a Pontevedra. É accesible para todos os niveis físicos.
Unha xornada de convivencia para disfrutar do camiño de Santiago entre Tui e Pontevedra. Sairá ás 9 h dende praza de San Fernando en Tui.
Hai catro modalidades de participación:
