O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O pavillón deportivo municipal Gustavo Rodríguez acollerá este domingo, 29 de xuño, dende ás 10.30 h o XI Campionato Ibérico de Kung Fu Eurocidade. O Club Ximnasia e Auga de Tui organiza esta competición en colaboración coa Eurocidade Tui-Valença e a Federación Galega de Kung Fu. Este mediodía presentou este evento deportivo na casa do concello de Tui.
Mañá mércores, 25 de xuño, ás 12.30 horas, no salón de plenos do Concello de Tui, terá lugar a presentación oficial do XI Campionato Ibérico de Kung Fu Eurocidade. Esta proba deportiva está organizada polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu. Celebrarase no Pavillón Deportivo Municipal Gustavo Rodríguez, este domingo 29 de xuño, a partir das 10.30 horas.
Os xogadores e xogadora do equipo Alevín do Tyde F.C van vivir esta fin de semana unha experiencia única ao participar no Torneo Internacional de Fútbol en Versmold, Alemaña.
Nicolás Abal, Brais Besada, Roi Estévez, Adrián Freiría, Dilan Jesús Gallardo, Roi López, Iker Míguez, Martín Muíños, Nelson José Zambrano, María Pumar, Iván Urgal, Francisco Gutierrez e Jason Bautista viaxan cara Alemaña xunto aos seus adestradores Sergio Aballe e Juan Paramos, o responsable da área social do club, Alejandro Pardo, e o presidente do club, David Domínguez, e as súas familias.
Mañá, xoves 19 de xuño, ás 10.00 horas, no salón de plenos do Concello de Tui, terá lugar a recepción do equipo alevín do Tyde F.C., que viaxará á cidade alemana de Versmold, para participar no torneo internacional de fútbol, que se celebrará está fin de semana.
Un total de 180 alumnos e alumnas de 6º de sete centro educativos de Tui participarán este venres na Aloiada 2025. Aínda que inicialmente estaba previsto que esta actividade se desenvolvese durante dous días, xoves e venres, incluíndo a noite no Aloia, debido a previsión meteorolóxica adversa para mañá xoves tivo que suspenderse por seguridade a actividade desta primeira xornada.
Maña mércores, 11 de xuño, ás 10 h, no edificio sociocultural da rúa Camilo José Cela, terá lugar a presentación da Aloiada 2025, actividade organizada por sete dos colexios de Tui, en colaboración co Concello de Tui. Celebrarase este xoves 12 e venres 13 de xuño, coa participación de máis de 180 alumnos e alumnas de 6º de Primaria, que estarán acompañados por ao redor de 40 profesores e profesoras dos centros participantes.
Ven de publicarse a Listaxe definitiva de persoas admitidas e excluídas no Campamento de Verán Igual É +.
Cada participante terá ata o día 13 de xuño para realizar o pago da cota de inscrición de cada quenda. A persoa admitida que ao remate dese día non fixera o ingreso de cada quenda, será dado de baixa e pasará a súa praza ao seguinte da lista de reservas.
Publícase a Listaxe definitiva de persoas admitidas e excluídas no Campamento de Verán Igual É +.
Cada participante terá ata o día 13 de xuño para realizar o pago da cota de inscrición de cada quenda. A persoa admitida que ao remate dese día non fixera o ingreso de cada quenda, será dado de baixa e pasará a súa praza ao seguinte da lista de reservas.
O Campo de Fútbol municipal Álvarez Durán acolle esta fin de semana o II Amura Galician Rising Stars Cup no que van participar preto de 700 deportistas de 32 equipos de clubs de Galicia e Portugal.
Mañá xoves, 29 de maio, ás 12.00 horas, no Campo Municipal de Fútbol Álvarez Durán de Tui, terá lugar a presentación do II Amura Galician Rising Stars Cup, torneo de fútbol 11 organizado polo club Galicia Rising Stars, en colaboración co Concello de Tui, o Tyde F.C., a Deputación de Pontevedra e Turismo de Galicia. Este torneo celebrarase este sábado 31 de maio e o domingo 1 de xuño.
