O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
A presidenta do Real Club Celta, Marián Mouriño, será á pregoeira das Festas de San Telmo deste ano 2026. A lectura do pregón, marcará o inicio oficial dos festexos o próximo sábado, 4 de abril, ás 12.45 h, na praza da Inmaculada.
Dende hoxe, 11 de marzo, e até o martes 7 de abril está aberto o prazo de inscrición para a Carreira Popular Solidaria de San Telmo II Memorial Xosé Tato organizada conxuntamente polo Club Atletismo Tui e o Concello de Tui.
O sábado 11 de abril celebrarase a Carreira Popular Solidaria de San Telmo II Memorial Xosé Tato organizada conxuntamente polo Club Atletismo Tui e o Concello de Tui.
O prazo de inscrición está aberto dende o mércores, 11 de marzo, e até o martes 7 de abril nas distintas categorías. A distancia, oscilará entre os 6.225 m da categoría absoluta e os 80 m dos pitufos.
O calendario deportivo de 2026 da Eurocidade Tui-Valença, está formado por 14 eventos de 10 modalidades deportivas. Conforman unha programación única en Europa compartida entre dous municipios de dous países.
1.- CIRCUITO DE ANDAINAS SAUDABLES DA EUROCIDADE
A Eurocidade Tui-Valença presentou esta mañá o seu calendario deportivo para este ano 2026, formado por catorce eventos de 10 modalidades deportivas conforman unha programación única en Europa compartida entre dous municipios de dous países.
Até decembro máis de 8 mil persoas participarán nas distintas probas previstas que suporán un investimento superior aos 65 mil euros.
Mañá martes, 3 de febreiro, ás 11.00 horas españolas, na Pousada de San Teotonio de Valença, terá lugar a presentación do Calendario Deportivo Eurocidade Tui-Valença 2026. Nesta nova edición contará con 14 eventos deportivos de 11 modalidades deportivas, que se desenvolverán entre os meses de febreiro e decembro.
Espectáculo deportivo de primeiro nivel nas augas do río Miño en Tui este sábado coa celebración da 45ª Regata Miño Internacional, a única regata cronometrada de embarcacións 8+ de remo que nestes momentos se celebra a nivel nacional. A proba é tamén a XXI Copa Presidencia da Deputación de Pontevedra.
Novo récord de participación na IV San Silvestre Tudense celebrada o pasado 31 de decembro. A proba contou con 2 mil persoas anotadas, pechándose a inscrición catro días antes do establecido inicialmente pola organización ao acadar o número máxico fixado para esta edición.
A proba foi festiva, deportiva e tamén solidaria logrando recadar 3.500 €, doados polas persoas participantes, a favor da Asociación Española contra o Cancro
Mañá xoves, 15 de xaneiro, ás 11.00 horas, no Espazo Sociocultural da rúa Camilo José Cela, terá lugar a presentación da XLV Regata Miño Internacional, organizada polo Club Remo do Miño, en colaboración co Concello de Tui, coa Federación Galega de Remo, Comandancia Naval do Miño, Deporte Galego da Xunta de Galicia, Deputación de Pontevedra e Protección Civil de Tui. Este evento terá lugar este sábado 17 de xaneiro, nas augas do río Miño.
Toda unha festa foi o pasado mércores a celebración da IV San Silvestre Solidaria. Dúas persoas percorreron as rúas da cidade, o Paseo Fluvial e conxunto histórico nun evento que en só catro edicións se ten consolidando batendo récord e participación cada ano.
