O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O sábado, 26 de outubro, celébrase a IV Urban Trail Night Eurocidade 2019. Sairá ás 20.30 hora española dende a Avenida Miguel Dantas en Valença. A liña de meta estará situada no Paseo da Corredoira en Tui. Será sobre unha distancia de 14 quilómetros.
+ información e inscricións en www.urbantrailnight.com
O domingo 13 de outubro vaise celebrar a II Carreira Internacional de Orientación da Eurocidade Valença-Tui. Haberá tres niveis: iniciación nenos/as, iniciación adultos, e avanzado.
Inscricións en https://aromon.es/inscripciones/eurocidade2019/
As instalacións deportivas Álvarez Durán contan con novos vestiarios e baños tras o investimento de case 76 mil euros realizado polo Concello de Tui ao longo dos últimos meses.
Resumo boletíns oficiais do 26 de agosto ao 1 de setembro de 2019
Do venres 20 ao domingo 22 de setembro vaise celebrar no antigo Camfran, na avenida da Concordia en Tui. a VI Concentración Internacional Tui-Valença Festival Moteiro Eurocidade. No programa previsto haberá concertos, gastronomía, rutas en moto e diversas exhibicións. Así haberá un Stunt Show a cargo dos acróbatas Plácido 666, exhibición de Tania 72 piloto de R3, e a escola de pilotos Jorge Lorenzo Competición, tamén haberá exposición de coches.
Do 12 ao 29 de setembro vai disputar o VII Torneo de Tenis da Eurocidade Tui-Valença. Xogarase nas pistas de tenis de Areas e nas da Piscina Municipal de Valença.
A inscrición está aberta até o 1 de setembro en 658 866 403, no ibertenis.com ou no facebook tenistui.asociacion. É gratuíta para os menores, para individuais ten un prezo de 5€, e 8€ para dobres.
Este sábado, 17 de agosto, ás 20.30 horas españolas, celebrarase no novo pavillón deportivo municipal de Tui, o VII Torneo Eurocidade de Balonmán, organizado pola Eurocidade Tui-Valença, en colaboración co Club Balonmán Tui e a Federación Galega de Balonmán. No mesmo vanse enfrontar o Acanor Atlético Novás, de división de prata nacional, e o ABC Braga, da primeira nacional portuguesa.
Previo a este encontro, ás 18 horas, o equipo sénior do Club Balonmán Tui xogará contra o equipo B do Acanor At. Novás.
Do 13 ao 15 de setembro vaise celebrar o VI Torneo Eurocidade de Hoquei 2019 Crédito Agrícola Caixa do Noroeste. O calendario previsto é o seguinte:
Venres 13
Sábado 14
Domingo 15 de 9 h a 19 h
O sábado, 17 de agosto, ás 20.30 h hora española celebrarase no novo pavillón municipal de Tui o VII Torneo de Balonmán da Eurocidade. Van competir o Acanor Atlético Novás do Rosal co ABC Braga Universidade do Minho.
Previo a este encontro, ás 18 horas, o equipo sénior do Club Balonmán Tui xogará contra o equipo B do Acanor At. Novás.
O sábado, 3 de agosto, celebrarase a IX Travesía a Nado da Eurocidade Tui-Valença. Sairá ás 18 hora española do Centro Interfederado de Remo e Piragüismo.
