O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O sábado, 21 de agosto, ás 16 h dende a Ribera de Caldelas sairá unha nova edición do Descenso Popular do Miño, nunha proba non competitiva na que se darán cita centos de persoas, baixo a organización do Club Kaiak Tudense. Os participantes completarán a distancia de 7 quilómetros que hai entre Caldelas e o centro de Tui coa liña de meta na rúa Olímpicos Tudenses.
O sábado, 21 de agosto, celebrarase en augas do río Miño a 50 edición do Descenso Internacional do Miño organizado polo Club Kaiak Tudense. co patrocinio entre outras entidades do Concello de Tui. Nesta edición recupérase as saída dende terra, un dos momentos máis espectaculares da competición. Será ás 18.30 h dende Salvaterra de Miño. Os padeeiros e padeeiras en C1, C2, K1 e K2 terán que completar os case 14 quilómetros de percorrido até cruzar a liña de meta situada fronte ás gradas na rúa Olímpicos Tudenses.
Hoxe partiron dende Tui cara Toquio os membros da selección uruguaia de Remo que estiveron concentrados na cidade dende o pasado 12 de xuño. En concreto participarán nos Xogos Olímpicos Bruno Cetraro, que será o abandeirado da delegación uruguaia, e Felipe Kluver, xunto ao adestrador Osvaldo Borchi.
Estes días estanse a executar as obras de remodelación dos vestiarios do campo de fútbol O Foxo de Caldelas.
Os traballos consisten tanto na remodelación completa dos vestiarios existentes coma na creación dun segundo vestiario tras reconverter a caseta que acollía a oficina e o almacén.
Tui acolle este domingo 27 de xuño, a partir das 10:30 horas, no novo pavillón deportivo municipal, o VII Campionato Ibérico de Kung Fu Eurocidade. Este evento está organizado polo Club Di Som Tui, en colaboración coa Eurocidade Tui-Valença e a Federación Galega de Kung Fu. O evento poderá seguirse en liña a través da canle de Youtube da Federación Galega de Kung Fu, ou presencialmente até completar o aforo do pavillón.
Mañá martes, 22 de xuño, ás 12.00 horas españolas, no salón de plenos do Concello de Tui, terá lugar a presentación do VII Campionato Ibérico de Kung Fu Eurocidade. Este evento está organizado polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu. Celebrarase o domingo 27 de xuño, a partir das 10.30 horas, no novo pavillón deportivo municipal de Tui.
Unha vez publicado o listado de admitidos/as, cada participante deberá solicitar a carta de pago da taxa do campamento, de 30,56€ por participante e quenda, ata o día 25 de xuño, as 14.00 horas:
Unha vez publicado o listado de admitidos/as, cada participante deberá solicitar a carta de pago da taxa do campamento, de 30,56€ por participante e quenda, ata o día 25 de xuño, as 14.00 horas:
O domingo, 27 de xuño, dende ás 10.30 h celébrase no pavillón municipal de Tui o VII Campionato Ibérico de Kung Fu Tradicional e Moderno. Esta actividade forma parte do calendario de actividades deportivas da Eurocidade Tui-Valença.
Está organizada polo Club Di Som Tui.
O Pavillón do IES San Paio de Tui é a sede elixida pola Federación Galega de Bádminton para celebrar este sábado o Campionato Autonómico Sub11 de bádminton. A competición comezará ás 10 h e tendo en conta o número de inscricións, algo máis de 40 deportistas, poderá prolongarse até ás 20 h.
