Pronóstico de Tutiempo.net
Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

Hoxe presentación do Campionato de Galicia Máster de Ciclismo que se disputará este domingo 30 de xullo en Tui

Undefined

Hoxe mércores, 26 de xullo, ás 12.00 horas, no salón de plenos do Concello de Tui, terá lugar a presentación do Campionato Galego Máster de Ciclismo, organizado pola Federación Galega de Ciclismo e o Club Ciclista de la Fuente, coa colaboración do Concello de Tui. Disputarase este domingo 30 de xullo, dende o Paseo da Corredoira de Tui.

Nun mes será substituído o tarimado do pantalán do centro interfederado por un material de última xeración

Undefined

Dentro dun mes, o 21 de agosto, comezarán as obras de substitución do taboado de madeira no pantalán situado na rúa Olímpicos Tudense, a carón do Centro Interfederado e dos clubs locais de remo e piragüismo. Este traballos suporán un investimento de 20.611,07€.

O alcalde de Tui, Enrique Cabaleiro, e o concelleiro de Deportes, Laureano Alonso, presentaron esta mañá as obras a realizar acompañados por Manuel Penas de Alfer Metal, e José Luís García do Club Kaiak Tudense.

Prazas dispoñibles para a segunda quenda dos Campamentos de Tui

Undefined

A segunda quenda dos campamentos de verán de Tui 2017 comezará o mércores 26 de xullo, a partir das 09.00 horas, no novo pavillón deportivo municipal de Tui, tras o remate da primeira quenda, na que participaron máis de cento cuarenta nenos e nenas.

Dado que aínda quedan prazas dispoñibles para esta segunda quenda, aquelas persoas interesadas en participar, terán que presentar no rexistro de entrada na secretaría do Concello de Tui a documentación solicitada, así como realizar o abono da taxa no departamento de tesourería, tendo de prazo ata o luns 24 de xullo, ás 14.00 horas.

Listaxe admitidos Campamento Urbano Tui 2017

Ata o xoves 22 de xuño teñen os admitidos nalgunha das dúas quendas do Campamento Urbano de Verán para efectuar o pagamento dos 30,56€ correspondentes a cada quenda. Os participantes na primeira quenda deben estar o 10 de xullo ás 9h no pavillón municipal, e os da segunda quenda o 26 de xullo á 9h no mesmo pavillón.  Este non haberá nin aula matinal nin de sobremesa. A recepción dos participantes farase cada día a partir das 8.45h.

Condicións Xerais e solicitude Campamento Urbano Verán 2017

A Concellería de Deportes do Concello de Tui realizará durante o mes de xullo e o mes de agosto os Campamentos de Verán Tui 2017. Estes campamentos van destinados aos nenos/as e mozos/as de Tui con idades comprendidas entre os 3 e os 12 anos (idades cumpridas antes do inicio do campamento). O desenrolo dos Campamentos de Verán levaranse a cabo co fin de ofrecer unha alternativa lúdica – deportiva - educativa aos nenos/as do concello.

Este sábado 15 de xullo pasará por Tui o X Rally das Donas de Vehículos Clásicos

Undefined

Este sábado 15 de xullo, a partir das 18.00 horas, o Paseo da Corredoira de Tui acollerá o paso do X Rally das Donas de Vehículos Clásicos, evento de regularidade histórica no que so poden participar equipos femininos. Está organizado pola Escudería Vigo Clásicos.

A saída realizarase dende o Centro Comercial Gran Vía de Vigo, ás 17.00 horas, e todas as participantes realizarán unha parada no Paseo da Corredoira de Tui, para continuar logo ata o Club de Campo de Vigo, onde rematará o evento.

O 22 de xullo celebrarase o I Campus de Fútbol Americano no Concello de Tui

Undefined

O sábado, 22 de xullo, as instalacións deportivas Álvarez Durán de Tui, acollerán o I Campus de Fútbol Americano e Fútbol Flag, impartido polos responsables do Club Vigo Guardians, en colaboración co Concello de Tui. O obxectivo é brindar unha xornada gratuíta de iniciación e coñecemento deste deporte.

O campus realizarase en horario de 10.00 a 13.00 horas e de 16.00 ata as 19.00 horas. Vai dirixido a xogadores dos dous sexos xa que o club dispón de sección feminina (actuais campioas galegas de Flag Football) e masculina, en idades a partir dos 14 anos, sen límite de idade.

Novo prazo de inscrición para as prazas dispoñibles no Campamento de Verán Tui 2017

Undefined

O Concello de Tui abre un novo prazo de inscrición para os Campamentos de Verán Tui 2017, dado que aínda quedan prazas dispoñibles para as dúas quendas.

Dende mañá martes, 27 de xuño, e ata este venres, 30 de xuño, poderanse realizar inscricións ata completar as prazas dispoñibles e por rigoroso orden de presentación de solicitudes no rexistro do Concello de Tui, en horario dende as 09:00 ata as 14:00 horas.

Os interesados tras realizar a inscrición no rexistro, deberán aboar a taxa do campamento, 30.56€ por quenda e participante, na tesourería do concello.

Mañá presentación mañá mércores da Aloiada 2017

Galego

Mañá mércores 14 de xuño, ás 11.00 horas, no salón de plenos do Concello de Tui, terá lugar a presentación da actividade Aloiada, organizada polos colexios CEIP Nº1, Nº2, Pazos de Reis, Guillarei, Rebordáns e Maristas,  en colaboración co Concello de Tui, no que máis de 170 nenos e nenas de sexto de primaria destes colexios, realizarán diferentes actividades deportivas no Parque Natural do Monte Aloia e no río Miño.

Páxinas

Subscribirse a RSS - Deportes