O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O martes, 31 de decembro de 2024, vaise celebrar a III San Silvestre Tudense. Esta proba deportiva e festiva será solidaria coa Asociación Española contra o Cancro.
A saída será ás 10.30 h dende o Paseo da Corredoira para realizar un percorrido de 4 quilómetros de andar, correr ou realizar marcha nórdica.
O prazo de inscrición será do domingo 1 de decembro ao domingo 29 de decembro en https://clubatletismotui.wordpress.com.
O Concello de Tui mantén a súa aposta por contar coas instalacións deportivas nas mellores condicións para a práctica deportiva por parte dos distintos equipos. Nesta liña de traballo no día de onte, co apoio da Deputación de Pontevedra, leváronse a cabo os traballos de mantemento nos campos municipais de fútbol de céspede natural do “Álvarez Durán” e “A Gándara” de Guillarei.
Esta maña realizouse a primeira reunión de organización da San Silvestre Tudense 2024, proba solidaria e non competitiva que se celebrará o martes 31 de decembro, que volverá a ter un carácter solidario a favor da Asociación Española Contra o Cancro.
O concelleiro de deportes de Tui, Rafael Estévez, a presidenta do Club Atletismo Tui, Cristina Piñeiro, a responsable do Baixo Miño da Asociación Española Contra o Cancro, Pilar Barbosa, xunto a técnicos municipais, mantiveron unha reunión para por en marcha a organización da carreira.
Espectacular competición a prevista para esta fin de semana no pavillón municipal Gustavo Rodríguez que reunirá aos mellores bailaríns de España e Portugal. Máis de 500 persoas participarán no Trofeo Concello de Tui de Baile Deportivo que será amais a cuarta proba do Circuíto Ibérico de Baile Deportivo. Está organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo.
Mañá xoves, 3 de outubro, ás 11.00 h, no salón de plenos do Concello de Tui, terá lugar a presentación do Trofeo Concello de Tui de Baile Deportivo, proba que forma parte do Circuíto Ibérico de Baile Deportivo, organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo. Celebrarase este sábado 5 e domingo 6 de outubro, no Pavillón Deportivo Municipal Gustavo Rodríguez de Tui.
Máis dun centenar de xinetes e amazonas daranse cita esta fin de semana en Tui para participar no II Concurso Nacional de Saltos que se celebrará nas instalacións do Club Hípico Equigalia, en Marco de Friande. Tras o éxito da edición de 2023 o club tudense, coa colaboración co Concello de Tui e a Federación Hípica Galega, organiza esta competición, unha das tres de carácter nacional que se celebran en Galicia.
Mañá mércores 18, ás 11.30 horas, nas instalacións do Club Hípico Equigalia, realizarase a presentación do Concurso Nacional de Saltos, campionato que se celebrará esta próxima fin de semana, organizado polo Club Hípico Equigalia, en colaboración co Concello de Tui e a Federación Hípica Galega.
Citas destacadas no mundo a hípica no mes de setembro en Tui. Serán nas instalacións de Equigalia en Marcos de Friande.
Concurso Nacional de Saltos
Campionato Galego de Ponis
O sábado, 28 de setembro, a partir das 9.30 h, celebrarase en augas do río Miño en Tui a VI Regata Cidade de Tui de Remo. Está organizada polo Club Remo Tui coa colaboración do Concello de Tui.
O pavillón municipal de deportes Gustavo Rodríguez acollerá o sábado 5 e o domingo 6 de outubro o Trofeo Concello de Tui 2024 de Baile Deportivo que será circuíto ibérico. A entrada terá un prezo de 8€/día.
