O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Mañá mércores, 7 de febreiro, ás 12.00 horas españolas, no salón de plenos do edificio da Cámara Municipal de Valença, terá lugar a presentación do Calendario Deportivo da Eurocidade 2024, que contará con 14 eventos deportivos, organizados por diferentes asociacións deportivas de Tui e Valença, así como por empresas especializadas.
O domingo, 17 de marzo, celebrarase a IX Eurocidade BTT. As inscricións abrirán o 11 de febreiro. Toda a información está accesible en biciosos.gal
Un total de 5.000 € foron recadados na 2ª San Silvestre Solidaria Tudense celebrada o domingo, 31 de decembro, con éxito de participación e organización. Máis de 1.200 participantes percorreron as rúas de Tui e celebraron anticipadamente o fin de ano. Os 5.000 € foron doados polas persoas que participaron na proba a favor da Asociación Española Contra o Cancro.
A organización correu a cargo do Club Atletismo Tui e o Concello de Tui, coa colaboración da Policía Local e Protección Civil de Tui, da Radio Municipal de Tui e o apoio económico de varias empresas tudenses.
Un total de 27 embarcacións, de 4x e 8+, de 14 clubs galegos e portugueses participarán este sábado na XLIII Regata Miño Internacional. A proba está organizada polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.
Mañá xoves, 18 de xaneiro, ás 11.30 horas, no salón de plenos do concello de Tui, terá lugar a presentación da XLIII Regata Miño Internacional, que se celebrará no río Miño, este sábado 20 de xaneiro, organizado polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.
A II San Silvestre Solidaria de Tui bate récord de participación e reunirá este domingo a 1.200 persoas nunha proba de carácter festivo e solidario. Duplícase a participación rexistrada o ano pasado na primeira edición nun evento que está chamado a consolidarse no calendario anual de probas tudenses ante a gran acollida que tivo en só dúas edicións.
Tui afronta a derradeira semana do ano 2023 con variedade de actividades vinculadas ás datas de Nadal.
No Paseo da Corredoira continúa até o próximo 5 de xaneiro o Mercado de Nadal. Onte comezou a terceira quenda de expositores na que participan dezasete postos.
A San Silvestre Solidaria de Tui agarda bater un novo récord de participación, superando as 600 persoas participantes, na súa segunda edición o próximo sábado 31 de decembro. A proba foi presentada este mediodía na casa do concello de Tui.
O próximo luns, 18 de decembro, ás 11.00 horas, no salón de plenos do Concello de Tui, terá lugar a presentación da 2ª San Silvestre Solidaria Tudense, organizada polo Concello de Tui e o Club Atletismo Tui, coa colaboración da Policía Local, Protección Civil de Tui e a Radio Municipal de Tui, en beneficio da Asociación Española Contra o Cancro. A San Silvestre celebrarase o domingo 31 de decembro, a partir das 10.30 horas, dende o Paseo da Corredoira de Tui.
O Concello de Tui continúa a traballar para mellorar as instalacións deportivas municipais e que estas conten coas condicións idóneas para a práctica deportiva. Nestes momentos está a executar obras de reforma e ampliación no pavillón deportivo en Guillarei para a instalación de vestiarios que suporán un investimento de 133.062,96€.
En concreto os vestiarios execútanse de forma lonxitudinal na fachada sur de forma adosada ao edificio. A obra conta cun prazo de execución de 6 meses.
