Pronóstico de Tutiempo.net
Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

Presentación da Final Four de Balonmán na que o equipo sénior masculino do Club Balonmán Tui xogará polo ascenso a Primeira Autonómica

Undefined

Mañá xoves 20 de maio, ás 12.00 horas, no salón de plenos do Concello de Tui, terá lugar o acto de presentación da Final Four que o equipo sénior do Club Balonmán Tui disputará o próximo sábado e domingo, polo ascenso á Primeira Autonómica.

O Centro Municipal de Remo de Tui estrea as súas renovadas instalacións

Undefined

O Centro Municipal de Remo de Tui conta coas súas instalacións renovadas tras as obras acometidas nos últimos meses que supuxeron un investimento de 57.477,85€, financiados con cargo ao Plan Concellos 2018/2019 da Deputación de Pontevedra. Foron executadas pola empresa CPA-Construciones y Proyectos Abilleira SL.

Este mediodía o alcalde de Tui, Enrique Cabaleiro, os deputados provinciais, Santos Héctor e Gorka Gómez, o concelleiro de Deportes, Rafael Estévez, e o presidente do Club Remo do Miño, Manuel Ángel González, visitarán as obras realizadas nestas instalacións municipais.

Visita ás obras realizadas no Centro Municipal de Remo ao abeiro do Plan Concellos

Undefined

Mañá venres 7 de maio, ás 13.00 horas, o alcalde de Tui, Enrique Cabaleiro, os deputados provinciais, Santos Héctor e Gorka Gómez, o concelleiro de Deportes, Rafael Estévez, e o presidente do Club Remo do Miño, Manuel Ángel González, visitarán as obras realizadas nas instalacións do Centro Municipal de Remo, dentro do Plan Concellos da Deputación de Pontevedra.

Esta fin de semana dispútase nas augas do río Miño en Tui o Campionato de España e Trofeo Ibérico T850 e GT60 de motonáutica

Undefined

Este luns, nos exteriores do Centro Interfederado de Tui, foron presentadas as competicións de motonáutica que terán lugar dende este venres até o domingo nas augas do río Miño: o Campionato de España e Trofeo Ibérica de T-850 e o Campionato de España de GT-60.

A elite do piragüismo de Dinamarca adestrará nas próximas semanas en Tui

Undefined

Tui volverá a ser sede dunha concentración de deportistas de alto nivel, esta vez de piragüismo. Dende este sábado, 20 de marzo, e até o 5 de abril, o equipo Dansprint, da cidade de Hvidovre de Dinamarca, xunto a dous integrantes da propia selección nacional danesa, entre eles o actual Campión do Mundo de Maratón sub23 e do Descenso Internacional do Sella, Mads Brandt Petersen, adestrarán en Tui.

O Concello de Tui continúa co plan de aforro enerxético nas instalacións deportivas

Undefined

Dende o ano pasado e seguindo o plan de aforro enerxético establecido polo Concello de Tui, estase substituíndo a iluminación nas instalacións deportivas municipais con luminarias led, o que permitirá un aforro considerable no custe eléctrico anual.

O Campo Municipal de Fútbol “Álvarez Durán” de céspede sintético súmase ao Pavillón Deportivo Municipal Novo, aos Pavillóns Deportivos do IES San Paio, do CEIP de Guillarei e da Macoca, nesta tecnoloxía. O Pavillón Deportivo Municipal Vello será o próximo en contar con esta iluminación.

Tui celebra o 8M co lema “Somos e seremos as loitadoras”

Undefined

“Somos e seremos as loitadoras” é o lema co que este ano o Concello de Tui vai celebrar o 8M, Día Internacional da Muller. O obxectivo é visibilizar e lembrar a algunhas das mulleres que ao longo da historia acadaron os dereitos dos que hoxe gozan, pero tamén a reivindicación que as mulleres seguen a realizar en prol da igualdade real.

Páxinas

Subscribirse a RSS - Deportes