O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Este domingo día 26 de marzo celebrarase, no Pavillón Gustavo Rodríguez de Tui a IX edición do Trofeo de Baile Deportivo da Eurocidade Tui-Valença.
Comezará ás 10:00 h ES e rematará ás 20:00 h ES.
A entrada ten un custo de 8€.
Organiza: Pasos Bailegalicia.
Nado en Salceda de Caselas en 1986, Damián Estévez estaba casado con Yolanda Sousa e acababa de ser pai do seu segundo fillo hai uns días. Era xenro do ex concelleiro da corporación municipal de Tui, José Manuel Sousa, quen o consideraba coma un fillo. Tamén era sobriño do actual concelleiro de Parque Móbil, Javier Rodríguez Gómez.
Até o mércores 12 de abril ás 22 h, está aberto o prazo de inscrición para a Carreira Popular de San Telmo 2023. A proba organizada polo Club Atletismo Tui e o Concello de Tui, celebrarase o sábado 15 de abril, a partir das 11.00 h, no Paseo da Corredoira. Como en anteriores edicións a carreira terá carácter solidario a favor da Asociación SOS Tomiño Baixo Miño, entregando un quilo de alimentos non perecedoiro no momento da recollida do dorsal.
No marco dos actos organizados polo 8M, o Día Internacional das Mulleres, o Concello de Tui inaugurou este mediodía a exposición ‘O Esforzo In-Visibile’ das deportistas tudenses. Nesta mostra recóllense imaxes e declaracións de 11 mulleres deportistas tudenses de élite en distintas disciplinas: Aida Valiño, Anita Rodríguez, Carmen González, Eva María Ara, Leticia Barbosa, Loli Pedrares, Marisa Giráldez, Nuria Domínguez, Sara Tui, Susana Fontán e Tania Fernández.
Este domingo celebrarase a décima edición da BTT Eurocidade Tui-Valença organizada pola Peña Ciclista Biciosos Rías Baixas e coa colaboración do concello de Tui e a Cámara de Valença.
Mañá sábado, 11 de marzo, ás 12 h inaugurarase no Paseo da Corredoira a exposición “O esforzo in-visible das deportistas tudenses”. A mostra organizada dentro da programación “Ocupemos o noso lugar” conmemorativa do Día Internacional das Mulleres busca visibilizar as deportistas tudenses e o seu esforzo en distintas disciplinas.
Esta mañá tivo lugar unha reunión de traballo entre o concelleiro de Deportes de Tui, Rafael Estévez e o presidente e vogal da Real Federación Galega de Motonáutica, José Fernández e Carlos Estévez, respectivamente, co obxectivo de renovar o convenio de colaboración entre as dúas entidades e planificar as probas deportivas deste ano 2023.
A segunda etapa da volta ciclista O Gran Camiño sairá mañá venres, 24 de febreiro, dende Tui.
Na praza da Inmaculada estará situada a liña de saída. Será 184,30 qm de percorrido que dende Tui irá a O Porriño, Redondela, Vilaboa, Moaña, Cangas, Bueu, Marín, Pontevedra, Gondomar, Baiona, Oia, O Rosal e A Guarad. A meta estará no cumio no Monte Santa Trega da Guarda.
A saída está prevista ás 10.25 h estando neutralizados os 2,8 primeiros quilómetros.
O domingo 26 de marzo volverá unir Tui e Pontevedra a marcha Ultreia.
As persoas interesadas poden inscribrise en cronotec.es.
Haberá catro distancias, a Ultreia que será a distancia completa de 52 kms entre Tui e Pontevedra, longa de 40 kms que irá de Tui a Arcade, a media de 33 kms que será entre Tui e Redondela, e a curta de 19 kms entre Tui e o Porriño.
Lembramos que Ultreia é unha marcha/trail de senderismo popular. Na edición de 2022 contou con 356 participantes.
O Club Tracçao ás 4 organiza o Raid TT Eurocidade. Celebrarase o 4 de marzo na modalidade de motos, e o 25 de marzo en jeeps. 'É preciso inscrición previa. Estas probas forma parte do calendario deportivo da Eurocidade Tui-Valença.
