Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
“Memoria da Melancolía” é o título do concerto que o músico e investigador tudense Samuel Diz ofrecerá este venres, 16 de outubro, ás 21.30 h no Teatro Municipal de Tui. Será a estrea do seu novo traballo discográfico que interpretará cunha réplica da guitarra de Federico García Lorca. O concerto estaba previsto par ao mes de marzo pero tivo que ser suspendido debido á pandemia da COVID 19
Do 23 ao 27 de setembro vaise celebrar en Tui o XVI Play Doc, o Festival Internacional de Documentais de Tui. Estaba previsto para o pasado mes de abril pero tivo que ser aprazado debido á pandemia da COVID 19. Agora plantexa unha edición adaptada as novas circunstancias. O Teatro Municipal na Área Panorámica será a súa sede principal, pero plantexa tamén unha segunda sede na praza do Pracer.
Esta mañá presentouse na casa do concello de Tui o número 6 de revista “Castellum Tyde” publicada polo Instituto de Estudos Tudenses, IET, co patrocinio do Concello de Tui. No acto estiveron presentes o alcalde, Enrique Cabaleiro, e o presidente do Instituto de Estudos Tudense, Xabier Añoveros.
O próximo luns, 24 de agosto, ás 12 h na terá lugar no salón de sesións da casa do concello de Tui a presentación do número 6 da revista “Castellum Tyde” editada polo Instituto de Estudios Tudense co patrocinio do Concello de Tui.
O acto correrá a cargo do alcalde, Enrique Cabaleiro, e do presidente do Instituto de Estudios Tudense, Xavier Añoveros.
O Teatro Municipal de Tui acollerá esta semana os eventos previstos dentro da programación “Volvemos á rúa” ante a previsión de choiva que hai para os vindeiros días. Tal e coma aconteceu xa onte co concerto de Roi Casal a actividade desenvolverase no Teatro con aforo limitado e protocolo de seguridade.
O músico Roi Casal presentará mañá domingo, 16 de agosto, en Tui o seu espectáculo musical “As músicas do Camiño”. Será ás 22 h no Teatro Municipal, xa que debido as previsións de choivas foi cambiado o emprazamento dende a rúa Compostela, onde esta inicialmente programado, ao teatro tudense. Debido a isto o aforo limitase a 150 persoas. A reserva de entradas segue aberta até mañá domingo, ás 12, ou até que esgoten as prazas dispoñibles, en enterticket.es
En menos de 10 minutos esgotáronse as 110 prazas dispoñibles para asistir á proxección de “Joker” este venres en autocine na aparcamento municipal na traseira da Área Panorámica. Coma aconteceu xa tamén coa primeira proxección de autocine de “Grease” as entradas esgotáronse rapidamente. Precisamente o autocine é unha das novidades da programación cultural do verán “Volvemos á rúa” en Tui este ano.
Esta semana prosegue a programación cultural “Volvemos á rúa” con novas propostas de música, novo circo e cinema.
A música será a primeira das propostas desta semana co pasarrúas que o mércores, dende ás 21 h, ofrecerá a charanga tudense A Tu Ritmo. Amais na fin de semana, a partir das 21 h, continúan os pasarrúas o sábado co grupo folclórico Inquedanzas da Asociación Cultural Aloia de Pazos de Reis e o domingo co grupo folclórico San Fins de Rebordáns.
Cinema, música e teatro de monicreques centra a oferta para esta derradeira semana do mes de xullo na programación “Volvemos á rúa”.
A primeira das propostas desta semana é chega da man da charanga tudense Cantos Somos que ofrecerá un pasarrúas o mércores dende ás 21 h.
“Cantarelas” é o título do concerto que Leilía ofrecerá mañá domingo, ás 22.30 h, na rúa Compostela en Tui, dentro do programación “Volvemos á rúa”.
En 1989, as integrantes de Leilía - Ana Rodríguez, Rosario Rodríguez, Montse Rivera, Felisa Segade, Patricia Segade e Mercedes Rodríguez - apostaron por recuperar a tradición oral galega ao son das pandeiretas. Incorporaron despois instrumentos e polifonías non tradicionais, dando continuidade ao pasado a través do presente.
