Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Dende os temas do seu primeiro traballo "A Galicia de Maeloc" aos do último disco "Atlántico" os compoñentes de Milladoiro fixeron un repaso aos 40 anos no mundo da música no concerto que ofreceron no Teatro Municipal de Tui o venres 13 de novembro.
O concerto pode volver a gozarse en redifusión o domingo, 15 de novembro, ás 19.30 h, a través de tui.gal, e da canle de Youtube do Concello de Tui.
Dende o Teatro Municipal de Tui poderase seguir en directo o concerto que o grupo Milladoiro ofrece hoxe ás 19.30 h dentro da xira do seu 40 aniversario.
O concerto volverá a estar dispoñible en redifusión o domingo ás 19.30 h.
O Teatro Municipal de Tui acollerá mañá venres, ás 19.30 h, o concerto do Grupo Milladoiro na súa xira 40 aniversario. A capacidade do teatro está reducida a 30 espectadores polas actuais medidas restritivas vixentes en Tui. As entradas dispoñibles esgotáronse xa a comezos de semana. Para poder chegar a máis público o Concello de Tui apostou por retransmitir en directo este evento musical na web municipal www.tui.gal.
O mar e as súas xentes son os protagonistas da exposición fotográfica que dende hoxe e até o 6 de decembro se pode visitar na Sala Municipal de Exposicións na Área Panorámica. Baixo o título de “Fillos do océano” o fotógrafo Javier Teniente reúne máis de setenta instantáneas que ao longo de varios anos tomou nos cinco continentes. A mostra forma parte do proxecto “Corrente cultural” que propicia a colaboración entre ABANCA, Afundación e o Concello de Tui
Mañá mercores, 11 de novembro, ás 11 h terá lugar na Sala Municipal de Exposicións, na Área Panorámica, a inauguración da exposición fotográfica “Fillos do Océano” de Javier Teniente. A mostra, que se poderá visitar ata o día 6 de decembro en Tui, enmárcase no proxecto «Corrente cultural» que propicia a colaboración entre o Concello de Tui, ABANCA e Afundación.
O Teatro Municipal de Tui mantén a programación “Volvemos ao teatro en novembro” reducindo a partir de mañá sábado a capacidade a 30 espectadores tendo en conta as novas medidas restritivas establecidas pola Xunta, publicadas no DOG Nº 223-Bis, que entrarán en vigor ás 00 h de mañá sábado 7 de novembro.
Dentro da programación "Volvemos ao Teatro en novembro" o venres, 27 de novembro, ás 19.30 h proxectarase no Teatro Municipal a película "Arima" de Jaione Camborda. O filme está interpretado por Melania Cruz, Nagore Arias, Rosa Puga Davila, Iria Parada, Tito Asorey e Mabel Rivera.
A inesperada chegada de dous forasteiros altera a vida de catro mulleres e unha nena. Nunha frontera entre o real e o imaxinario, entre o pesadelo e o soño relata unha historia chea de misterio.
Coa capacidade do Teatro Municipal reducida a 60 butacas, en cumprimento da normativa establecida co nivel 2 en Galicia o pasado xoves, 22 de outubro, e cun estrito protocolo de prevención da covid-19 a programación cultural “Volvemos ao teatro” deste mes de novembro oferta un total de 6 espectáculos. Aos anunciados previamente súmanse o concerto do grupo Milladoiro e unha proxección de cinema. O eventos anticipan o horario de realización, sendo ás 19.30 h para público adulto e ás 18.30 h para público familiar, adaptándose así as novas restricións de mobilidade a partir das 23 h.
A xira que o grupo Milladoiro está a realizar con motivo do seu 40 aniversario chegará o venres, 13 de novembro, ás 19.30 h ao Teatro Municipal de Tui.
Reserva de entradas, de balde, dende o luns 9 de novembro, en tui.gal até o venres ás 18.30 h ou até esgotar localidade. E dende ás 18.30 h do venres no despacho de billetes.
Unha proposta para todos os públicos na que se combina circo e teatro é que chega este venres ao Teatro Municipal de Tui, dentro da programación cultural “Volvemos ao Teatro” organizada polo Concello de Tui. Será da man da compañía Xampatito Pato co espectáculo “Só”. Comezará ás 19:30 h e coa capacidade limitada a 60 persoas, cumprindo todas as medidas de prevención e seguridade.
