Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Teatro Municipal de Tui acollerá o venres, 14 de febreiro, ás 21.30 h a representación de "A compañeira de piso" da man de Contraproducións.
Sinopse: Dúas mulleres completamente diferentes, que comparten casa, protagonizan esta comedia negra que nos achegará á capacidade de reconducir a nosa vida. Ao remate estarán máis cerca, do que pensaban, a unha da outra.
Mañá venres, 31 de xaneiro, ás 11 h na sala de reunións da casa do concello de Tui terá lugar a presentación da programación cultural a desenvolver até o mes de maio, recollida nun novo número da Axenda Cultural Corredoira.
O alcalde, Enrique Cabaleiro, e a concelleira de Cultura e Ensino, Sonsoles Vicente, serán os encargados de dar a coñecer os eventos previstos.
Dende mañá xoves, 30 de xaneiro, até o luns 3 de febreiro, ás 14 h pódese realizar a inscrición para participar no desfile concurso de Entroido en Tui.
O sábado, 8 de febreiro, no Teatro Municipal de Tui Caramuxo Teatro presenta "Zapatos" en dobre función, ás 17 h e ás 18.30 h. A capacidade de cada pase estará limitada a 100 espectadores.
Sinopse: Unha rapaza coida os zapatos que xa ninguén usa, e que chegan a un recuncho dun agochado xardín. Alí comparten fantásticas historias e vivencias cheas de emoción.
O venres, 7 de febreiro, proxectarase no Teatro Municipal de Tui a película "O que arde" de Oliver Laxe producida por Miramemira. Será en dobre pase ás 19.30 h e ás 21.30 h.
O filme recibiu dous premios Goya, o de Mellor actriz revelación, para Benedicta Sánchez, e o de Mellor dirección de fotografía para Mauro Herce.
A película “O Que Arde” dirixida por Oliver Laxe e producida por Miramemira abrirá a programación cultural do primeiro semestre de 2020 no Teatro Municipal de Tui. O filme, que acadou esta fin de semana os Goyas de Mellor actriz revelación, para Benedicta Sánchez, e Mellor dirección de fotografía para Mauro Herce, proxectarase o venres 7 de febreiro, ás 21.30 h.
O martes, 25 de febreiro, celebrarase en Tui o tradicional Desfile-Concurso de Entroido. No mesmo poderán participar grupos de entre 10 e 20 persoas e comparsas con máis de 25 persoas disfrazadas en conxunto. Desenvolverase dende ás 17 h no circuíto establecido polas rúas Casal Aboy, Compostela, Betanzos, Irmáns Maristas, Ourense e A Guarda.
O martes, 25 de febreiro, celébrase en Tui o Desfile-Concurso de Entroido 2020. As bases publicaráronse no BOPPO o mércores, 29 de xaneiro de 2020.
Mañá sábado, 18 de xaneiro, ás 12.30 h terá lugar no Teatro Municipal de Tui o acto inaugural da V Mostra da Camelia Cidade de Tui.
Mañá xoves, 16 de xaneiro, ás 13 h no salón de sesións da casa do concello de Tui terá lugar a sinatura do convenio de colaboración entre a Comisión Xestora de Entidades Alfombristas do Camiño de Santiago e a Orde do Camiño de Santiago. Ambas entidades elixiron Tui para asinar este convenio por ser a cidade a Porta de Entrada do Camiño Portugués a Galicia.
