O próximo martes, 7 de maio, ás 11 h na sala de reunións da casa do concello de Tui presentarase o novo folleto turístico de Tui “Explora Tui”.

A presentación correrá a cargo do alcalde, Carlos Vázquez Padín. 

Na mañá de hoxe tivo lugar na casa do concello a sinatura do convenio de colaboración entre o Concello de Tui e a Asociación Xuventudes Musicais Eixo Atlántico, antigamente Asociación Musicais de Tui, organizadora do IKFEM, Festival Internacional de Instrumentos de Tecla da Eurocidade Tui-Valença.  Asinaron o convenio o alcalde de Tui, Carlos Vázquez Padín, e a directora do IKFEM, Andrea González.

Mañá venres, 3 de maio, ás 11.30 h terá lugar a apertura da zona de cero de Paramos, no barrio da Torre, afectada pola explosión do 23 de maio de 2018. 
O alcalde, Carlos Vázquez Padín, comparecerá ante os medios de comunicación, xunto ao concelleiro de Seguridade, Antonio Castro, e o arquitecto, Pablo Rivas. 

Esta mañá presentouse na casa do concello de Tui o Plan Director de Turismo elaborado pola empresa Valora. O alcalde, Carlos Vázquez Padín, xunto a Antonio Rodríguez García e Tamara Tilve de Valora, foron os responsables de dar a coñecer o traballo desenvolvido nos últimos meses.

O alcalde de Tui, Carlos Vázquez Padín, participou esta mañá no foro de Loxística no Círculo de Empresarios en Vigo onde tratou as “Oportunidades de desenvolvemento industrial-comercial no Concello de Tui”. 

En concreto o rexedor tudense repasou na súa intervención o traballo que está a realizar o concello de Tui para aumentar a oferta de chan industrial en condicións de seguridade xurídica.  

Mañá venres, 26 de abril, ás 12 h terá lugar no salón de sesións da casa do concello de Tui a presentación do concerto “As Badaladas de San Telmo” que se vai celebrar este domingo dentro da programación das festas de San Telmo.

O alcalde de Tui, Carlos Vázquez Padín, manifestou hoxe en rolda de prensa a súa satisfacción a nivel político e persoal logo de que a sección 4ª da Audiencia Provincial de Pontevedra o absolvera dun delito leve de ameazas, do que fóra condenado o pasado mes de decembro polo Xulgado de Instrución nº3 de Tui tras a denuncia presentada polo técnico do club Kaiak Tudense, Esteban Alonso.  

Na súa sentenza a maxistrada estima o recurso presentado polo alcalde de Tui contra a sentenza do xulgado de instrución, absolvéndoo do delito. Contra esta resolución non cabe recurso.

O alcalde de Tui, Carlos Vázquez Padín, comparecerá mañá ás 11 h na Sala de reunións da Casa do Concello para dar conta da sentencia absolutoria da Audiencia Provincial, tras o recurso presentado á sentenza do Xulgado de Instrucción nº3 de Tui que condenaba ao alcalde por un delito leve de amenazas tras a denuncia presentada polo técnico do club Kaiak Tudense, Esteban Alonso.

O Teatro Municipal de Tui  acollerá do luns 22 ao sábado 27 de abril, coincidindo coas festas de San Telmo, a XI Semana do Teatro Amador, coa participación dos grupos de teatro tudenses.  A presentación deste evento tivo lugar esta mañá na casa do concello a cargo do alcalde de Tui, Carlos Vázquez Padín, o concelleiro de Cultura, Eduardo Freiría, xunto a representantes dos grupos de teatro participantes: Compañía Artística Interdisciplinar do Espazo Xove, Atalaia do Centro Sociocomunitario de Tui, Aloia da Asociación Aloia de Pazos de Reis, Chirlomirlo e Garabullada da Asociación Xuntanza