O Concello de Tui informa que a Empresa Pública de Servizos Agrarios Galegos, S.A., SEAGA, ven de iniciar no termo municipal as actuacións de xestión de biomasa e a retirada de especies arbóreas prohibidas naquelas parcelas incluídas na resolución da orde de execución subsidiaria do pasado 13 de marzo de 2026. Estas intervencións realízanse de xeito subsidiario tras constatarse o incumprimento das obrigas de limpeza por parte das persoas propietarias das fincas.

Cada pequeno xesto conta. E se nos referimos ao medio ambiente pequenos hábitos teñen aínda maior importancia coma é o caso da reciclaxe e da separación de residuos.  Así o está dando a coñecer a mestra composteira do Concello de Tui nas visitas que nas última semanas está a realizar aos centros educativos tudenses, dentro do programa de educación Ambiental. Tanto nas aulas do Colexio Rural Agrupado coma nos distintos CEIPs ten desenvolvido distintas actividades activando os composteiros escolares e traballando co alumnado os hábitos de separación e reciclaxe. 

O Concello de Tui iniciará o próximo luns, 2 de marzo, unha serie de charlas informativas en todas as parroquias para achegar á veciñanza información sobre prevención de incendios e faixas secundarias. Con estas actividades dende a concellería de Medio Ambiente búscase ofrecer información detallada e pormenorizada de cada parroquia sobre a situación das faixas secundarias e as medidas a adoptar polas persoas para cumprir coa normativa.

Tui é un dos concellos afectados polas incidencias rexistradas no transporte ferroviario dos contedores de lixo dende a terminal de Guixar en Vigo até o Complexo Medioambiental de Sogama en Cerceda.

Neste momentos a recollida do lixo en Tui mantense co baleirado dos contedores pero a situación que se rexistra no transporte de residuos a SOGAMA podería conlevar algún retraso mentres non se normalice a situación.

Reciclar pequenos residuos dende un pequeno electrodoméstico, a cargadores ou aerosois é moito máis doado en Tui grazas ao punto limpo móbil do Concello de Tui que hoxe luns, 2 de febreiro, iniciou o seu percorrido polas parroquias. Cada semana, de luns a domingo, estará nunha parroquia tudense co obxectivo de facilitar á veciñanza a reciclaxe sen ter que desprazarse no caso de pequenos residuos até o punto limpo municipal situado en Guillarei.

O Concello de Tui aposta polo medio ambiente coa incorporación dun vehículo 100% eléctrico e de dous puntos limpos móbiles que supuxeron un investimento de 120.939,50 €. O alcalde de Tui, Enrique Cabaleiro, o concelleiro de Medio Ambiente, Ismael Diz, e o concelleiro de Parque Móbil, Miguel Méndez, recibiron hoxe da man da empresa adxudicataria este novo equipamento que permitirá mellorar o servizo que se presta á cidadanía, así coma facilitar o labor aos operarios municipais.

Hoxe, 10 de novembro, entran en vigor as medidas preventivas en Zonas de Especial Vixilancia, ZEV, por aumento do risco de Influencia Aviaria,

O municipio de Tui é un dos 29 concellos galegos situados na zona ZEV.

O obxectivo das medidas adoptadas é evitar o contacto directo ou indirecto das aves domésticas coas aves silvestres de calquera especie.

O Concello de Tui reforza a coordinación para a prevención e actuación fronte aos incendios forestais.  Con este obxectivo,  esta semana, celebrouse unha reunión de traballo, no salón de sesións da casa do concello, que contou coa participación do alcalde, Enrique Cabaleiro, que interrompeu as súas vacacións para asistir á reunión, da alcaldesa en funcións, Ana Núñez, dos concelleiros Rafael Estévez e Sonsoles Vicente, persoal técnico municipal, representantes da Garda Civil, Policía Local, Protección Civil e das comunidades de montes tudenses.