O medio natural é un dos grandes valores de Tui. O río Miño e o Parque Natural do Monte Aloia son os buques insignia do Tui Natural. O coñecemento do entorno serve tamén para aprender a amalo e a respectalo. As sendas que percorren os montes e as beiras do río Miño tentan facilitar ese coñecemento, ademais de proporcionar espazos para o deporte e o paseo. Pero o medio ambiente abrangue tamén o respecto polo mesmo cunha aposta inequívoca pola recollida selectiva e a compostaxe. O obxectivo é reducir ao 50% o lixo que depositamos na bolsa negra no ano 2020.
O Concello de Tui conta unha mestra composteira para desenvolver o “Plan de acción en materia de resíduos orgánicos e compostaxe”. O pasadao día 1 de xuño de 2020, comezou a traballar a nova mestra composteira Sara Luque Coto. O seu cometido será a execución e desenvolvemento do “Plan de acción en materia de resíduos orgánicos e compostaxe”.
O Concello de Tui recibiu hai uns días de ECOEMBES novos colectores para a recollida selectiva. En concreto foron 12 colectores amarelos para envases, e 5 para a recollida de papel e cartón.
O Concello de Tui continua coa aposta pola compostaxe tanto comunitaria coma doméstica. Hai un días recibíronse 50 composteiros individuais que van ser distribuídos entre as persoas que tiñan solicitado este material nos últimos meses e que estaban en lista de agarda.
Están xa rematadas as obras de acondicionamento da pista deportiva, a recuperación e ampliación do parque infantil e a creación dun parque biosaudable na parroquia de Areas. Supuxeron un investimento de 53.495,08 euros financiados ao abeiro do Plan Concellos 2018 da Deputación de Pontevedra.
O Concello de Tui conta dende hai uns días cunha biotrituradora que vai optimizar o triturado de restos de poda municipal. É un paso máis para a próxima creación dun Punto Verde Municipal onde ofrecer á cidadanía un sitio onde depositar os seus restos vexetais e poder recoller, se así o precisan, material triturado de madeira para poder utilizar no proceso de compostaxe doméstica ou compost xerado nos centros de compostaxe do Concello.
Eixo Biotrituración e Tratamento de Residuos Vexetais
Adquisición de maquinaria para a biotrituración de restos de verdes.
Proxecto para a instalación dun Punto Verde municipal onde dar o servizo de tratamento de restos de poda e restos vexetais .
Panel informativo e sinais de desvío de Punto Verde.
Eixo Compostaxe Comunitaria
Creación dun novo Centro de Compostaxe Comunitaria no centro urbano de Tui.
Potenciar a compostaxe é o obxectivo da campaña de promoción e información que hoxe pon en marcha o concello de Tui. A web municipal, as redes sociais municipais, xunto á emisora municipal, xunto os centros de compostaxe comunitarios serán a plataforma na que se desenvolva esta iniciativa.
Son xa 160 os fogares tudenses que participan no programa municipal de compostaxe. O pasado venres, no Centro Municipal de Formación, tivo lugar a entrega de 25 novos composteiros a outras tantas persoas que tiñan presentando a súa solicitude. Previamente a mestra composteira, Sara Luque, ofreceu varias charlas informativas en grupos reducidos explicando tanto o qué é a compostaxe coma o proceso a seguir. De agora en diante, ao igual que realiza xa nun centenar de fogares, a mestra composteira levará a cabo un control e seguimento de forma periódica deste novos composteiros.
A presentación de solicitudes pode realizarse a través da Sede Electrónica do Concello de Tui (cubrindo unha instancia xeral e acompañando a solicitude como documento), presencialmente no rexistro xeral do Concello, ou en calquera das formas establecidas no art.
O Concello de Tui recibiu hai uns días 50 composteiros individuais tras a solicitude feita dende a concellería de Medio Ambiente a SOGAMA.
