Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
“2020. Abrindo portas…” é o título do calendario de 2020 que vén de editar o Concello de Tui. Está ilustrado con pinturas de portas da Eurocidade Tui-Valença realizadas pola artista tudense Rosa María Vila. Así na portada figura o Pórtico da Catedral de Tui e a Porta da Coroada de Valença.
No mes de xaneiro comezará en Tui un novo curso de Deshabituación Tabáquica organizado polo Departamento de Drogodependencias do Concello de Tui en colaboración coa Asociación Española contra o Cancro.
Esta actividade gratuíta vai dirixida a persoas maiores de 18 anos que desexen deixar de fumar. Estrutúrase en 7 sesións, cunha duración de hora e media cada unha, a celebrar en horario de tarde. Trátase dun programa de axuda específica e personalizada para facer fronte ao completo proceso de abandono.
A casa do concello de Tui iluminarase de vermello na noite deste sábado ao domingo con motivo do Día Mundial da SIDA que se celebra este domingo 1 de decembro. O lema deste ano é “As comunidades marcan a diferenza” co que se quere recoñecer o papel fundamental que as comunidades teñen desempeñado e continúan a desempeñar na resposta ao SIDA a nivel local, nacional e internacional.
Tui tínguese de negro para conmemorar o Día Internacional da Eliminación da Violencia contra a Muller co obxectivo de sensibilizar e implicar á poboación contra as violencias machistas.
O programa previsto é o seguinte:
Tui tínguese de negro para conmemorar o Día Internacional da Eliminación da Violencia contra a Muller co obxectivo de sensibilizar e implicar á poboación contra as violencias machistas.
O sábado, 30 de novembro, vaise impartir en Tui o curso gratuíto de “Autodefensa para mulleres ante situacións violentas”. Terá lugar no pavillón do CEIP nº2 de 10 a 14 h e de 17 a 20 h. Ofértanse 15 prazas que se cubrirán por orde de solicitude, tendo preferencia as mulleres empadroadas no Concello de Tui. Será impartido por monitores especialistas da Federación Galega de Loita, pertencentes a Forzas e Corpos de Seguridade do Estado.
“Accesibilidade á atención psicolóxica durante e despois dunha catástrofe: experiencia Tui-Paramos” é o título das XXIV Xornadas da Sección de Psicoloxía e Saúde do Colexio Oficial de Psicoloxía de Galicia que dende mañá xoves e até o sábado se van celebrar no Teatro Municipal, no edificio da Área Panorámica de Tui. Están organizadas polo Colexio Oficial de Psicoloxía de Galicia, contando coa colaboración do Concello de Tui e da Ordem dos Psicloógos Portugueses.
Mañá mércores, 13 de novembro, ás 11.30 h na sala de reunións da casa do concello de Tui terá lugar a presentación das XXIV Xornadas da Sección de Psicoloxía e Saúde do Colexio Oficial de Psicoloxía de Galicia “Accesibilidade á atención psicolóxica durante e despois dunha catástrofe: experiencia Tui-Paramos” que se van celebrar en Tui dende este xoves até o sábado.
O Teatro Municipal da Área Panorámica acollerá do xoves 14 ao sábado 16 de novembro de 2019 as XXIV Xornadas da Sección de Psicoloxía e Saúde do Colexio Oficial de Psicoloxía de Galicia “Accesibilidade á atención psicolóxica durante e despois dunha catástrofe: experiencia Tui-Paramos”. O programa previsto é o seguinte:
234 alumnos e alumnas de secundaria de centros educativos de Tui van asistir mañá martes, 5 de novembro, á segunda proxección deste curso escolar do programa “O cine nas aulas” que realiza o Departamento Municipal de Prevención de Drogodependencias do Concello de Tui.
En concreto ao alumnado e profesorado de 2º da ESO dos IES San Paio, Indalecio Pérez Tizón, Colexio Marista Santa María e Seminario Menor San Paio asistirán mañá á proxección da película no Teatro Municipal, e ao remate recollerán as Unidades didácticas coas que logo traballarán nas aulas os alumnos/as.
