Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
O departamento de Prevención de Drogodependencias do Concello de Tui, en colaboración coa Asociación Española Contra o Cancro, un curso de Deshabituación Tabáquica.
Vai dirixido a todas as persoas fumadoras, maiores de 18 anos, que desexen deixar este hábito. É un programa de axuda específica e personalizada para facer fronte ao complexo proceso de abandono.
Folleto Informativo SAT, Servizo de Atención Temperá
A publicación do Decreto 183/2013, do 5 de decembro, polo que se crea a Rede Galega de Atención Temperá, significou un punto de inflexión na consideración da Atención Temperá. Dende o 15 de setembro a Mancomunidade do Baixo Miño, conta cun servizo de atención temperá nos concellos de A Guarda, O Rosal, Tomiño e Tui.
A casa do concello de Tui iluminouse de rosa esta pasada noite con motivo do Día Mundial contra o Cancro de mama que tivo lugar onte luns. Deste xeito o Concello de Tui súmase ás iniciativas que cada 19 de outubro buscan concienciar á sociedade da importancia da investigación e o diagnóstico precoz desta enfermidade. Cómpre lembrar que o cancro de mama é o tipo de tumor máis frecuente en mulleres, e que en España diagnostícanse cada cano 33.307 novos cancros de mama.
Esta semana comezou a segunda edición do programa “Cultiva a Mente” froito da colaboración entre o Concello de Tui e AFAGA, a Asociación de Familiares de Persoas con Alzheimer e outras demencias de Galicia.
O Concello de Tui e o IKFEM amosaron onte o seu agradecemento aos colectivos que dende o inicio da pandemia teñen colaborado co Concello en diversas facetas. O agradecemento chegou en forma de velada musical coa asistencia de 25 persoas da Agrupación de Voluntarios de Protección Civil, da Asociación Asistencial SOS Tomiño Baixo Miño e do Voluntariado da Caridade de San Vicente de Paul ao concerto inaugural que ofreceu no Teatro Municipal o Quarteto Contratempus.
O próximo martes, 13 de outubro, ponse en marcha a segunda edición do programa “Cultiva a Mente” froito da colaboración entre o Concello de Tui, a través do departamento de Servizos Sociais, e AFAGA, a Asociación de Familiares de Persoas con Alzheimer e outras demencias de Galicia.
Solicitude de inscrición no programa Cultiva a Mente 2020-2021
Na noite do domingo 20 ao luns 21 de setembro a casa do concello de Tui iluminarase de verde. Deste xeito o Concello de Tui súmase á conmemoración do Día Mundial do Alzheimer, que en lugar o o 21 de setembro.
O Concello de Tui asinou está mañá un convenio de colaboración coa Asociación Avelaíña da Guarda, para a posta en marcha do servizo de atención e asesoramento psicolóxico de persoas con problemas de saúde mental, en Tui.
Estará composto por unha psicóloga e unha traballadora social que, proporcionarán apoio e asesoramento psicolóxico individual e familiar aos veciños e veciñas que o precisen.
