O medio natural é un dos grandes valores de Tui. O río Miño e o Parque Natural do Monte Aloia son os buques insignia do Tui Natural. O coñecemento do entorno serve tamén para aprender a amalo e a respectalo. As sendas que percorren os montes e as beiras do río Miño tentan facilitar ese coñecemento, ademais de proporcionar espazos para o deporte e o paseo. Pero o medio ambiente abrangue tamén o respecto polo mesmo cunha aposta inequívoca pola recollida selectiva e a compostaxe. O obxectivo é reducir ao 50% o lixo que depositamos na bolsa negra no ano 2020.
Ante a proximidade da tempada de alto risco de incendios forestais, o Concello de Tui lembra que se debe realizar xestión da biomasa nas faixas secundarias de protección. Esta medida preventiva é fundamental para minimizar o risco de propagación do lume e protexer tanto as vidas como as propiedades da veciñanza, polo que se solicita a colaboración cidadá.
O Servizo de Electricidade do Concello de Tui comezou a semana pasada a realizar o cambio das luminarias nas farolas nos accesos á cidade dende Rebordáns e Randufe, así coma nas rúas Compostela, Casal Aboy e Maristas no centro urbano.
Dentro da aposta pola mellora da eficiencia enerxética, a loita contra o cambio climático e a protección do medio ambiente o Concello de Tui vai substituír un total de 238 lámpadas de vapor de sodio por luminarias de tecnoloxía led. Deste xeito deixaranse de emitir máis de 51,46 toneladas de C02 a atmosfera e aforraranse 144.000 kWh/ano.
Co obxectivo de garantir a seguridade e a calidade da auga das fontes públicas lévanse a cabo controis periódicos para asegurar que a auga cumpre cos máis altos estándares de salubridade.
Listaxe de Fontes
Analíticas dispoñibles
A Consellería de Medio Rural remitiu un aviso ao concello informando que é obrigatorio que todos os viticultores de zonas demarcadas por Flavescencia dourada apliquen os tratamentos insecticidas autorizados nas seguintes parroquias:
Un total de 178 persoas están inscritas para participar este domingo, 2 de xuño, na I Marcha Ciclista polo Medio Ambiente, organizada polo Concello de Tui como parte do programa do Día Mundial do Medio Ambiente. Esta iniciativa busca promover a conciencia ambiental e fomentar o uso da bicicleta como medio de transporte sostible.
O domingo, 2 de xuño, terá lugar a I Marcha Ciclista polo Medio Ambiente organizada polo Concello de Tui. Forma parte do programa que se desenvolverá con motivo do Día Mundial do Medio Ambiente. No desenvolvemento desta actividade o Concello de Tui conta coa colaboración do Club Ciclista Locos por las Bicis, da Policía Local e de Protección Civil de Tui.
Alumnado do curso de Mestría en Compostaxe Nivel 3 organizado por Composta en Red, entidade coa que colabora o Concello de Tui, realizou a semana pasada prácticas en Tui.
O xoves, 22 de febreiro, ás 17 h terá lugar no edificio Francisco Sánchez (entrada porta 4) terá a presentación da Guía de Separación Residuos editada polo Concello de Tui.
Na presentación participarán o alcalde, Enrique Cabaleiro, os concelleiros de Medio Ambiente, Ismael Diz, de Xestión de Residuos, Rafael Estévez, a mestra composteira e técnica de xestión de residuos, Sara Luque, xunto a persoal técnico do CEIDA.
O Concello de Tui aposta por realizar cada vez unha mellor xestión dos residuos xerados a nivel doméstico, fomentando a separación e reciclaxe. Continuando con esa liña de traballo o próximo xoves, 22 de febreiro, ás 17 h terá lugar no edificio Francisco Sánchez (entrada porta 4) a presentación da Guía de Separación Residuos. Esta publicación, elaborada polo Concello de Tui, ten por obxectivo aportar, de xeito sinxelo e visual, información sobre onde depositar os distintos tipos de residuos.
