A elite do piragüismo de Dinamarca adestrará nas próximas semanas en Tui
Tui volverá a ser sede dunha concentración de deportistas de alto nivel, esta vez de piragüismo. Dende este sábado, 20 de marzo, e até o 5 de abril, o equipo Dansprint, da cidade de Hvidovre de Dinamarca, xunto a dous integrantes da propia selección nacional danesa, entre eles o actual Campión do Mundo de Maratón sub23 e do Descenso Internacional do Sella, Mads Brandt Petersen, adestrarán en Tui.