Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

Mil deportistas participarán este sábado no Descenso Internacional e no Descenso Popular

Undefined

O Descenso Internacional do Miño celebrará este sábado, 21 de agosto, a súa 50 edición. Volverá recuperar a espectacular saída dende terra en Salvaterra, ás 18.30 h, e a chegada fronte as gradas da rúa Olímpicos Tudenses en Tui, con público, tras un recorrido de algo máis de 14 quilómetros en augas do río Miño. Outra das novidades desta edición será a incorporación dunha nova modalidade, o Paddle Stand Up, que saíra quince minutos. Están inscritos 600 padeeiros de 48 clubs.

6º Budiño Raid Eurocidade Tui-Valença

O sábado, 11 de setembro, vaise celebrar o 6º Budiño Raid que forma parte do calendario de actividades deportivas da Eurocidade Tui-Valença.  É a cuarta e derradeira proba da Liga Galega de Raid de Orientación 2021, ademais de Campionato Galego da disciplina.

Trátase dun raid de longa duración cun percorrido duns 95 quilómetros de distancia  nunha etapa e 5 sectores, para un tempo máximo de carreira de 10 horas.Contará con 4 modalidades: trekking, orientación específica, kaiak e bicicleta.

Concentración en Tui da Selección Española Feminina de Kaiak Polo

Undefined

Esta  fin de semana Tui será sede da concentración da selección nacional feminina de Kaiak Polo. O equipo nacional preparará na cidade o Campionato de Europa que se disputará en Catania (Sicilia-Italia), do 3 ao 10 de outubro.

A Selección Española Feminina de Kaiak Polo que se vai concentrar en Tui estará conformada por 11 deportistas, entre as que estarán tres padeeiras do Club Piragüismo Penedo Te Importa, Eva Ara, Ainhoa Castro e Laura Fernández e un adestrador.

VII Torneo de Tenis da Eurocidade Tui-Valença

Do 1 oa 19 de setembro disputarase o VII Torneo de Tenis da Eurocidade Tui-Valença. Terá lugar nas pistas de Areas e nas pistas da piscina de Valença. Disputarase nas categorías asboluta masculina e feminina, dobres masculino e mixto, veteranos +45 e +55, junior, catede, infantil, alevín e benxamín. 

O prazo de inscrición está aberto até o de 25 de agosto, sendo gratuíta para os menores, e de 5€ para individuais e dobres.   A inscrición pode realizarse no 658 866 403 en no Facebook tenistui.asociación  ou en www.ibertenis.com. 

 

50 Descenso Internacional do Miño

O sábado, 21 de agosto, celebrarase en augas do río Miño a 50 edición do Descenso Internacional do Miño organizado polo Club Kaiak Tudense. co patrocinio entre outras entidades do Concello de Tui. Nesta edición recupérase as saída dende terra, un dos momentos máis espectaculares da competición. Será ás 18.30 h dende Salvaterra de Miño. Os padeeiros e padeeiras en C1, C2, K1 e K2 terán que completar os case 14 quilómetros de percorrido até cruzar a liña de meta situada fronte ás gradas na rúa Olímpicos Tudenses. 

O alcalde e os concelleiros de Deportes e Turismo despediron aos membros equipo olímpico uruguaio concentrado en Tui que partiu cara Toquio

Undefined

Hoxe partiron dende Tui cara Toquio os membros da selección uruguaia de Remo que estiveron concentrados na cidade dende o pasado 12 de xuño.  En concreto participarán nos Xogos Olímpicos Bruno Cetraro, que será o abandeirado da delegación uruguaia, e Felipe Kluver, xunto ao adestrador Osvaldo Borchi.

Estanse a executar obras de remodelación dos vestiarios do campo de fútbol O Foxo de Caldelas cun investimento de 77 mil euros

Undefined

Estes días estanse a executar as obras de remodelación dos vestiarios do campo de fútbol O Foxo de Caldelas.

Os traballos consisten tanto na remodelación completa dos vestiarios existentes coma na creación dun segundo vestiario tras reconverter a caseta que acollía a oficina e o almacén.

Este domingo celébrase o VII Campionato Ibérico de Kung Fu da Eurocidade Tui-Valença

Undefined

Tui acolle este domingo 27 de xuño, a partir das 10:30 horas, no novo pavillón deportivo municipal, o VII Campionato Ibérico de Kung Fu Eurocidade. Este evento está organizado polo Club Di Som Tui, en colaboración coa Eurocidade Tui-Valença e a Federación Galega de Kung Fu. O evento poderá seguirse en liña a través da canle de Youtube da Federación Galega de Kung Fu, ou presencialmente até completar o aforo do pavillón.

Páxinas

Subscribirse a RSS - Deportes