Tui pecha as instalacións culturais e deportivas e suspende a programación propia coma medida preventiva ante o coronavirus
O Concello de Tui vén de acordar unha serie de medidas para previr o contaxio por Coronavirus. Estas decisións adoptáronse por unanimidade na xunta de portavoces celebrada este mediodía na casa do concello. A duración ou modulación das medidas adoptadas se tomará de acordo coas directrices establecidas polas autoridades sanitarias competentes.
Así pecharanse as instalacións municipais de carácter cultural e deportivo dende mañá e suspéndese a programación propia.