Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Tui prepárase para celebrar as festas de Entroido con dúas citas destacadas marcadas no calendario deste mes de febreiro. Serán o martes 21, festivo local, data na que se celebrará o desfile concurso de grupos e comparsas, e o domingo 26 cando co Enterro do Bacallau despedirase o Entroido deste ano.
Tui celebrará o martes, 21 de febreiro - festivo local - o Desfile Concurso de Entroido. As bases saen publicadas no BOPPO do lus 6 de febreiro. O prazo de inscrición será o martes 7, mércores 8 e xoves 9 até ás 14 h.
Débese presentar o modelo de solicitude xunto coa documentación requirida na sede electrónica do Concello.
O Enterro do Bacallau celebrarase o domingo, 26 de febreiro.
O Arquivo Municipal de Tui recibiu esta semana a doazón de dous exemplares de “La Aceituna”, o xornal escolar editado pola Escola do barrio tudense das Olivas nos meses de marzo, abril e maio do ano 1935.
Enderezo: Colón 2 – 1º Andar da Área Panorámica Francisco Sánchez - Porta 5
Teléfono: 617 49 81 03
Correo: biblioteca@tui.gal
Web da Biblioteca Municipal de Tui Dende a mesma pódese acceder ao catálogo da Biblioteca.
Acceso ao Catálogo da Biblioteca Municipal de Tui
Este venres día 3 de febreiro, o Edificio Francisco Sánchez acollerá a presentación do libro ‘Historias en pedra, Tui e as súas parroquias’ da artista tudense Rosa María Vila, á venda nas librarías da cidade. Será nun acto ás 19:00 h.
Rosa Mª Vila recolle nas páxinas do libro máis de 20 debuxos realizados coas técnicas de plumiña dos seus inicios e da acuarela. Tras 25 anos de traballo, a idea de plasmar nunha publicación rúas, paisaxes e igrexas de Tui e das parroquias, xurdiu en plena pandemia, cando estaba prohibida calquera tipo de mobilidade.
O edificio Francisco Sánchez acolle o venres, 3 de febreiro, ás 19 h a presentación do libro “Historia en pedra, Tui e as súas parroquias” de Rosa Mª Vila. A artista tudense plasma neste libro unha parte da súa obra na que, con distintas técnicas, plasma diferentes lugares tanto do centro urbano tudense coma das parroquias. Acompaña cada ilustración dun texto.
Chévere abre, este venres, a programación teatral para os meses de febreiro e marzo no Teatro Municipal de Tui, nunha proposta coproducida polo Centro Dramático Nacional.
N.E.V.E.R.M.O.R.E. é o título desta obra de teatro, que abre a caixa negra do Prestige e rescata a maior traxedia medioambiental de Galicia, o berro dun pobo ante a catástrofe e tece lazos coa pandemia actual.
Co desastre do Prestige como tema central do espectáculo, esta obra de Xron acode á memoria colectiva para recordar esta historia.
Seis propostas conforman a programación que nos meses de febreiro e marzo se van celebrar no Teatro Municipal de Tui.
Haberá tres obras de teatro, dúas para público adulto e unha para público infantil, celebrarase o 11º aniversario da Eurocidade Tui-Valença cun concerto, a maxia chegará con perspectiva de igualdade e proxectarase o filme ‘Canta 2’.
O cinema chega ao Teatro Municipal de Tui o 17 de marzo coa proxección do filme familiar Canta 2. Buster Moon e o seu elenco de estrelas prepáranse para estrear a súa actuación más impresionante ata a data. Pero antes teñen que persuadir ao rockeiro máis solitario do mundo para que se una a eles.
Ritchie (Blackmore) vive ancorado na música dos anos 70 e ten unha tenda de vinilos de colección. Janis (Joplin) xa hai anos que non canta e estuda filosofía na universidade. O seu matrimonio sobrevive tras case 25 anos de crise permanente. Pero aparece Alex, un gigoló de ideoloxía vandálica e transgresora, que dá a volta a esta relación.
Rock and Roll, humor negro e crítica social mestúranse en Smoke on the water, da compañía Ibuprofeno Teatro.
