Declaración Responsable Festas e Atraccións - Concello de Tui
Información sobre horarios dos establecementos abertos ao público, dos espectáculos públicos e das actividades recreativas
Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Información sobre horarios dos establecementos abertos ao público, dos espectáculos públicos e das actividades recreativas
Doce concertos na Eurocidade Tui-Valença son os que brindará o IKFEM 2023, un festival que foi presentado esta mañá en Santiago. Na rolda de prensa participaron a directora do Festival, Andrea González, os alcaldes de Tui e Valença, Enrique Cabaleiro e José Manuel Carpinteira, o director xeral de Cultura da Xunta de Galicia, Anxo Lorenzo, o director da Axencia de Turismo de Galicia, Xosé Manuel Merelles, e Alfonso Louro, xerente da Agrupación Europea de Cooperación Territorial Galicia-Norte de Portugal.
Este venres, 7 de xullo, terá lugar, ás 20.30 h, a inauguración da , unha referencia artística na comarca do Baixo Miño.
A Sala Municipal de Exposicións do Concello de Tui, no edificio Francisco Sánchez, acolle do 7 ao 28 de xullo a exposición pictórica de Chuny Vázquez "“Un canto á cor, á vida”,
Nesta exposición Chuny Vázquez realiza un percorrido pola súa traxectoria artística a través de máis dunha trintena de cadros de diversas temáticas e técnicas.
Este venres, 7 de xullo, terá lugar, ás 20.30 h, a inauguración da exposición pictórica “Un canto á cor, á vida” de Chuny Vázquez, unha referencia artística na comarca do Baixo Miño. Será na Sala Municipal de Exposicións do Concello de Tui, no edificio Francisco Sánchez.
Despois dun duro proceso de selección motivado polo éxito de convocatoria que se pechou cun total de 244 propostas artísticas candidatadas para os showcases, o MUMI anuncia as bandas e artistas que van configurar o programa profesional da feira entre o 21 e o 24 de setembro. Oito nomes de Galiza e seis de Portugal amosarán ao público, profesional e tamén xeral, a diversidade de propostas musicais que conviven na escena actual.
O Concello de Tui conmemorará esta semana o CXXXII aniversario da celebración na nosa cidade dos Xogos Florais de Galicia, que tiveron lugar do 24 ao 26 de xuño do ano 1891 e que marcaron un singular fito na historia de Galicia, ao ser o primeiro acto público celebrado integramente na nosa lingua e que coloca á nosa cidade como lugar primixenio na recuperación do noso idioma e do seu uso público.
Esta conmemoración abrangue dúas actividades:
A praza de San Fernando, o Paseo da Corredoira e o Teatro Municipal de Tui van ser este ano os escenarios do III Festival da Cultura Tradicional e Folk que organiza a Asociación Cultural San Telmo de Tui co patrocinio do Concello de Tui xunto a outras entidades.
Este evento, que aposta pola nosa cultura tradicional, celebrarase o sábado 1, o domingo 2 e o venres 7 de xullo.
O alumno de 2º da ESO do Colexio Santa María – Maristas de Tui, Rodrigo Buján Fernández, foi seleccionado como un dos gañadores do IV Concurso de microrrelatos convocado pola Red de Juderías de España entre os alumnos de 1º e 2º de educación secundaria de toda España.
Os Clubs de Lectura que promove a Biblioteca Municipal de Tui manterán o próximo martes, 20 de xuño, un encontro coa escritora Ledicia Costas. Estará centrado especialmente na súa novela “Golpes de luz” (2021) así como na súa traxectoria literaria. Esta actividade significa tamén o fin deste curso de actividade de animación á lectura promovida pola Biblioteca tudense.
Dentro da programación de ‘Tui en Letras’ este venres terá lugar unha nova ruta literaria pola cidade de Tui na que os participantes percorreran diversos lugares da cidade vinculados a figuras literarias tudenses coma a casa familiar dos Álvarez Blázquez, a residencia vacacional de Camilo José Cela, a antiga igrexa de San Xoán do Porto vinculada co troveiro medieval Golparro, a rúa onde residiu o historiador Francisco Ávila y Lacueva, … Tamén se vistiarán outros enclaves relacionados con Faustino Rey Romero, María Tydeska (María Gloria Pereira).
