As XVII Leccións Xacobeas Internacionais da Universidade de Santiago de Compostela, USC, celebradas en Santiago do 20 ao 22 de xullo, tiveron a última das súas sesións de traballo en Tui. Foi onte xoves ao longo da xornada reforzando a importancia da cidade como porta de entrada a Galicia do Camiño Portugués.

Dende hai uns días oito nenos e nenas saharauís están a pasar o verán en Tui no seo de sete familias acolledoras. Ir á praia, percorrer o Monte Aloia, ir á piscina, e coñecer toda a nosa contorna son so algunhas das actividades que realizan na súa estadía na cidade.  Forman parte do grupo nenos e nenas saharauís que este verán estarán en Galicia ao abeiro do programa Vacacións en Paz promovido por Solidariedade Galega co Pobo Saharauí, e que neste caso conta coa colaboración do Concello de Tui.

O Concello de Tui denuncia os actos vandálicos rexistrados na ribeira do río Miño, no Paseo Fluvial, e nunha árbore na rúa Lugo.  Estes feitos foron postos en coñecemento da Policía Local e do SEPRONA que están a investigar o acontecido.

Un total de 345 persoas beneficiáronse esta temporada dos programas Cultiva a Mente e Coida o Corpo promovidos polo Concello de Tui e impartidos por AFAGA. Estes dous proxectos promoven o envellecemento activo e saudable das persoas maiores de 55 anos, impulsan espazos de socialización e fomentan a súa autoestima. Realízanse en todas as parroquias de Tui: Areas, Baldráns, Caldelas de Miño, Guillarei, Malvas, Paramos, Pazos de Reis, Pesegueiro, Randufe, Rebordáns e Ribadelouro. 

Até finais do mes de setembro a Catedral de Tui acolle a instalación artística “Relicario” obra do tudense Carlos Fer dentro dos actos conmemorativos do 800 aniversario da consagración do templo catedralicio.

Onte á tarde tivo lugar a inauguración nun acto no que interviron o alcalde, Enrique Cabaleiro; a concelleira de Cultura, Sonsoles Vicente; o deán da Catedral, José Diéguez; o director do museo Tude, Santiago Vega; e o propio artista, Carlos Fer.

A Catedral de Tui ilumínase de novo como un faro na noite tudense e deste territorio transfronteirizo. Onte á noite tiña lugar o acendido das novas luminarias que realzan o templo tudense dende o Pórtico gótico, o primeiro en iluminarse cada noite, coma as torres, as campás, a fachada norte, o pazo episcopal, ou os pequenos detalles coma as marcas dos canteiros, as inscricións, e os reloxos de sol que podemos atopar na súa pedra.

Mañá sábado, 27 de xuño, terá lugar a inauguración da nova iluminación da Catedral de Tui. O acto simbólico de acendido realizarase ás 23 h na praza de San Fernando.

O alcalde de Tui, Enrique Cabaleiro; o bispo da diocese, Antonio Valín; o  director de Turismo de Galicia, Xosé Manuel Merelles; a presidenta do Xeodestino e alcaldesa de Tomiño, Sandra González; a representante institucional e alcaldesa do Rosal, Ánxela Fernández; e o redactor do proxecto e presidente do COAG en Vigo; Manuel M. Carazo, intervirán neste acto. Tras o acendido soarán as campás da Catedral.

O pavillón deportivo municipal Gustavo Rodríguez acollerá este domingo, 28 de xuño, dende ás 10.30 h o XII Encontro Ibérico de Kung Fu Eurocidade. O Club Ximnasia e Auga de Tui organiza esta competición en colaboración coa Eurocidade Tui-Valença e a Federación Galega de Kung Fu. Este mediodía presentou este evento deportivo no Espazo Sociocultural da rúa Camilo José Cela.

Mañá martes 23 de xuño, ás 12.30 horas, no Espazo Sociocultural da rúa Camilo José Cela, terá lugar a presentación oficial do XII Campionato Ibérico de Kung Fu Eurocidade. Esta proba deportiva, organizada polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu, terá lugar no Pavillón Deportivo Municipal Gustavo Rodríguez, este domingo 28 de xuño, a partir das 10.30 horas.