O pavillón deportivo da Macoca, en Pazos de Reis, conta con vestiarios renovados tras a reforma integral dos mesmos realizada polo Concello de Tui.  Esta actuación, xunto a outras obras complementarias contou cun financiamento de 184.017,41€ a través do II Plan Extraordinario de Infraestruturas Deportivas da Deputación de Pontevedra.

Mañá mércores, 23 de setembro, ás 11.00 horas, realizarase o acto de inauguración dos novos vestiarios e obras complementarias realizadas no Pavillón Deportivo da Macoca, en Pazos de Reis, financiadas ao abeiro do II Plan Extraordinario de Infraestruturas Deportivas da Deputación de Pontevedra.

A corporación municipal de Tui celebrará pleno ordinario correspondente ao mes de setembro o xoves, 24 de setembro, ás 20 h, co seguintes puntos na orde do día :

A) PARTE RESOLUTIVA

1.Aprobación, se procede, da acta da sesión ordinaria anterior celebrada o día 30 de xullo de 2026.

2.Expediente 2073/2026. Ditame sobre a desistencia do procedemento de adxudicación do contrato de servizo de mantemento e conservación das zonas verdes municipais.

Contar con personalidade xurídica propia é unha das aspiracións da Eurocidade Tui-Valença que agarda materializar dentro do proxecto UNICIDADE 2030. O obxectivo é crear unha AECT que permita seguir avanzando na cooperación que dende hai unha década formalizaron a través da Eurocidade e figura na Axenda Estratéxica Conxunta. 

Carlos Blanco abrirá o próximo venres, 2 de outubro, a programación de Outono no Teatro Municipal de Tui.  O monólogo “A Penúltima” encabeza un cartel formado por sete espectáculos de teatro, danza, e monólogos con propostas para público familiar e adulto.

A corporación municipal de Tui celebrará pleno de carácter extraordinario, ante a «necesidade de continuar a tramitación do expediente de contratación para a “Renovación das instalacións do alumeado público exterior do Concello de Tui”, tendo en conta os prazos vinculados á actuación financiada polo IDAE» ,o martes, 15 de setembro ás 20 h, coa seguinte orde do dia: 

A) PARTE RESOLUTIVA

Cunha festa de disfraces e distintos xogos rematou  onte o Campamento de Verán do Concello de Tui celebrado ao longo dos meses de xullo e agosto no pavillón municipal Gustavo Rodríguez e noutros espazos como a piscina municipal, a praia de Areeiros, ou as rúas da cidade.

Ao longo das catro quendas do Campamento, máis de 500 nenos e nenas, 140 por quenda, gozaron das actividades realizadas con xogos de auga, piscina, piragüismo, obradoiros para pintar a camiseta, xincanas, festa da escuma, partidos de brilé, e moito máis.

Preto dun millar de persoas participaron nos meses de xullo e agosto nas actividades do ciclo “Coñece o noso patrimonio” organizado polo Instituto de Estudios Tudenses, coa colaboración do Concello de Tui. As seis visitas guiadas realizadas por outros tantos especialistas e a conferencia celebrada contaron cunha gran acollida por parte do público.