O Concello de Tui reafirma a súa aposta pola reciclaxe e a recollida selectiva do lixo coa adquisición de novos contedores para illas de reciclaxe co que se incrementará en case 90 mil litros a capacidade de recollida selectiva. Grazas á novas unidades que se porán a dispor da cidadanía incrementarase en 28.800 litros a capacidade de recollida de envases lixeiros, 30 mil litros para cartón e 30 mil litros para a recollida de vidro. 

O Concello de Tui vai proceder á mellora da capa de rodadura no camiño que une os núcleos de os Baños e a Igrexa, na parroquia de Caldelas. O obxectivo dos traballos é  reparar o pavimento xa que presenta un estado moi deteriorado, e deste xeito mellor a seguridade vial na zona. Procederase á limpeza de cunetas, fresado do firme actual, reposición do pavimento, formación de cunetas e pintado da sinalización horizontal. A actuación abrangue unha superficie de 2.706 m2.

Ao abeiro do Plan de Mellora de Camiños de Titulariedade Municipal 2023-24 da Axencia Galega  de Desenvolvemento Rural, AGADER, o Concello de Tui vén de executar a obra de Mellora da Capa de Rodadura na Gándara en Guillarei cun investimento de 57.038,95€. O 100% do investimento foi financiado pola AGADER.

Os traballos executados consistiron na limpeza de cunetas, fresado do firme existente nalgúns tramos, reposición do pavimento con novo asfaltado, formación de cunetas e pintado da sinalización horizontal xunto a outras obras accesorias.

A Consellería de Medio Rural remitiu un aviso ao concello informando que é obrigatorio que todos os viticultores de zonas demarcadas por Flavescencia dourada apliquen os tratamentos insecticidas autorizados nas seguintes parroquias:

As intensas choivas rexistradas na xornada de onte mércores, 18 de outubro, provocaron o desprazamento de preto de 50 centímetros dun dos muros das escaleiras que van dende a praza da Estrela até o Paseo Fluvial.  Por seguridade vénse de vallar o tramo do paseo fluvial situado fronte á praza da Estrela ante o risco de derrube do muro das escaleiras.

Prégase respectar o vallado ante o risco que existe na zona.

O Concello de Tui humanizará a rúa Augusto González Besada e a Corredoira Sur, incluíndo a praza da Inmaculada. Deste xeito, reunificarase a rúa Augusto González Besada, a praza da Inmaculada e a Corredoira nunha plataforma única.

O Concello de Tui vén de reforzar a iluminación en diversas rúas do centro urbano da cidade dando resposta á demanda da veciñanza deste zona. En total, substituíronse 84 puntos de luz nas rúas Rosa Bahamonde, Foxo, travesía Foxo, en todo o Paseo da Corredoira e na rúa Ordóñez.

O próximo luns comezarán as obras para a instalación de catro novas marquesiñas noutras tantas paradas de autobús en Areas, Randufe, Pazos de Reis e Guillarei en puntos de entrada ao centro urbano. O Concello de Tui vén de adxudicar o proxecto para a renovación e colocación destes elementos, unha actuación que será financiada con fondos propios.

O Concello de Tui vén de renovar estes días catro novas marquesiñas en tres parroquias Pexegueiro, Paramos e Caldelas. 

Esta actuación súmase á realizada o pasado mes de novembro en Rebordáns, Pazos de Reis, Baldráns, Caldelas, Malvas e Paramos.

Deste xeito o goberno municipal, con fondos propios, optou por renovar estes elementos ante o mal estado de conservación que presentaban moitos deles.  As novas marquesiñas foron construídas e instaladas por operarios municipais.