Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
Tui prepárase para celebrar o Samaín con dobre cita esta fin de semana, a primeira o venres no Mercado de San Antonio e a segunda o sábado no edificio da praza da Inmaculada. En ambos casos a participación é gratuíta, non sendo precisa inscrición previa, até completar o aforo de cada espazo. Van dirixidas a público infantil.
Os sabores de outono serán os protagonistas este sábado, 24 de outubro, na terceira proposta das Xornadas Gastronómicas “Saborea o Mercado de San Antonio”. Tras o éxito rexistrado nos dous meses anteriores no que o mexillón e o bonito foron o ingrediente base dos platos agora é a quenda doutros produtos de temporada coma a cabaza, o lacón, os grelos e as castañas.
“IA para reducir custes na túa empresa” é o título do obradoiro práctico e gratuíto que o martes 10 de novembro, de 15 a 17 h, se vai celebrar na Aula CEMIT de Tui. Esta actividade está organizada pola Oficina Acelera Pyme de ASIME, a Asociacion de Industrias do Metal e Tecnoloxías Asociadas de Galicia, coa colaboración do Concello de Tui. O obradoiro será impartido por Joaquín González de Informática San Benito.
Os produtos de outono son os protagonistas este mes as Xornadas Gastronómicas “Saborea o Mercado de San Antonio”.
A cita será o próximo sábado 24 de outubro dende ás 11 h no Mercado de San Antonio.
A proposta gastronómica que se poderá degustar, realizada polo restaurante Al Dente será:
Cada ración terá un prezo de 6€.
O edificio da praza da Inmaculada acollerá dende este venres 9 até o luns 12 un mercado vivo de creatividade, produto local e cultura. Será coa celebración da segunda edición de Espazos Efémeros organizado por Galicia Suroeste en colaboración co Concello de Tui.
Participarán dezaoito postos de venda de artesanía, xoiería, moda, produtos agroalimentarios e propostas creativas. Asi haberá meles do país, viños de autor, xoiaría contemporánea, cerámica, arranxos florais e doces sen glute, entre outras propostas singulares.
Tui acolle a segunda edición de Espazos Efémeros, un encontro de artesanía, música e innovación rural organizado por Galicia Suroeste.
O edificio da praza da Inmaculada acollerá dende este venres 9 até o luns 12 un mercado vivo de creatividade, produto local e cultura. Será coa celebración da segunda edición de Espazos Efémeros organizado por Galicia Suroeste en colaboración co Concello de Tui.
O sábado 26 de setembro celebraranse as segundas Xornadas Gastronómicas "Saborea o Mercado de San Antonio" dedicadas ao Bonito.
Dende ás 11 h poderá degustarse este produto en tres elaboracións realizadas polo restaurante Al Dente que colabora nesta iniciativa do Concello de Tui. Será Empanada de Bonito, Bonito á prancha sobre crema de pataca, cebola e pimentón, e Tartar de Bonito. Cada ración terá un prezo de 6€.
Tras o éxito das primeiras Xornadas Gastronómicas "Saborea o Mercado de San Antonio" dedicadas ao mexillón celebradas o pasado mes de agosto, o próximo sábado, 26 de setembro, terá lugar a segunda edición deste evento no que o protagonista será o Bonito.
Dende ás 11 h poderá degustarse este produto en tres elaboracións realizadas polo restaurante Al Dente que colabora nesta iniciativa do Concello de Tui. Será Empanada de Bonito, Bonito á prancha sobre crema de pataca, cebola e pimentón, e Tartar de Bonito. Cada ración terá un prezo de 6€.
O Mercado de San Antonio é xa Mercado Excelente. A praza de abastos municipal recibiu o selo da Xunta de Galicia que acredita o cumprimento dos estándares de calidade, innovación, modernización e dinamización comercial establecidos pola Rede de Mercados Excelentes.
O Mercado tudense convértese así na sétima praza de abastos de Galicia en obter este selo.
Por en valor e promocionar os produtos de cada temporada é o obxectivo das xornadas gastronómicas Saborea o Mercado de San Antonio que este sábado comezan en Tui.
Ao vapor, en vinagreta e en arroz serán as tres elaboracións que se poderán degustar ao prezo de 4€ a ración a partir das 11 h no propio Mercado de San Antonio. O restaurante Al Dente, que colabora na iniciativa, será o encargado de preparar esta proposta gastronómica.
