Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
O Mercado de Nadal de Tui regresará ao céntrico Paseo da Corredoira do 30 de novembro ao 5 de xaneiro, ampliando a 37 os días de celebración e a 20 as casetas de postos dispoñibles, duplicando as da pasada edición.
Do 30 de novembro ao 5 de xaneiro celebrarase no Paseo da Corredoira o Mercado de Nadal organizado polo Concello de Tui. Contará con vinte casetas de madeira con produtos propios destas datas coma agasallos, decoración, plantas, artesanía, e gastronomía. A metade das casetas, un total de 10, conformarán un espazo gastronómico de Nadal no mercado onde as especialidades desta datas e as tradicionais farán a delicias das persoas visitantes.
Haberá tres quendas:
O Mercado de San Antonio acolle o sábado 26, o domingo 27 e o xoves 31 a IV Feira da Cabaza. O programa previsto é o seguinte:
Exposición, venda, gastronomía, obradoiros e degustación de receitas con cabazas.
Reivindicar a cabaza, nas súas distintas variedades e usos, así coma as súas propiedades é o obxectivo da IV Feira da Cabaza, organizada polo Concello de Tui que se vai celebrar este sábado 26 e domingo 27 e o próximo xoves 31 de outubro no Mercado de San Antonio.
O sábado ás 10 h terá lugar a inauguración oficial e apertura do mercado de cabazas e produtos de temporada no que se poderá atopar, amais das cabazas, cestería, marmeladas, cogomelos, castañas, noces, mel, galletas, queixos e embutidos. Poderase visitar tanto o sábado coma o domingo de 10 a 14 h e de 17 a 21 h.
Nun acto cun carácter marcado festivo e gran afluencia hoxe quedou inaugurado o mercado municipal de San Antonio tras as obras de renovación da praza que supuxeron un investimento superior ao 1,3 millóns de euros.
Este sábado, a partir das 11:30 da mañá, terá lugar o acto inaugural da nova praza de abastos de Tui, o Mercado de San Antonio, un evento festivo que marcará o inicio dunha nova etapa para este espazo comercial e de lecer, situado na rúa Maristas. Tralo proceso de reformas executado ao longo do último ano, o mercado abre as súas portas cun novo concepto, renovado e con novos servizos.
