Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
O xoves 30 de outubro, ás 20 h, haberá unha xornada informativa no Mercado de San Antonio ante a próxima licitación dos espazos que están dispoñibles actualmente. Se trata dos postos destinados a panadería, froitería, alimentación (salgado/conxelado), carnicería e elaborados, i espazo gastronómico.
O Mercado de Nadal de Tui presenta novidades na súa edición deste ano coa ampliación do número de casetas e do espazo onde se vai celebrar, amais de potenciar a parte gastronómica habilitando un lugar para o consumo in situ.
Así o Mercado de Nadal de Tui celebrarase do 28 de novembro de 2025 ao 5 de xaneiro de 2026 con 25 casetas de madeira que se instalarán no Paseo da Corredoira, e este ano tamén na praza da Inmaculada que vén de ser remodelada. Deste xeito crearase un percorrido máis amplo e atractivo para visitantes e expositores.
O Mercado de San Antonio ofrece novas oportunidades de emprendemento ante a próxima licitación dos espazos que están dispoñibles actualmente. Se trata dos postos destinados a panadería, froitería, alimentación (salgado/conxelado), carnicería e elaborados, i espazo gastronómico.
O Concello de Tui promociónase até este domingo na 47ª Feira Internacional Abanca Semana Verde de Galicia que foi inaugurada esta tarde. O alcalde de Tui, Enrique Cabaleiro, e a concelleira de Turismo, Ana Núñez, desprazáronse ata Silleda nesta primeira xornada dun certame feiral que é referencia tanto a nivel galego coma nacional. O Concello continúa así a súa aposta polo promoción turística do municipio, nunha campaña que comezou este ano en FITUR en Madrid e continuou coa presenza na BTL de Lisboa.
Tui celebra o “Día do Mercado” cunha xornada gastronómica, musical e festiva no renovado mercado de San Antonio. A cita será este sábado, 31 de maio.
Deste xeito o Mercado Municipal de Tui únese á celebración do Día do Mercado, unha iniciativa impulsada pola Dirección Xeral de Comercio da Xunta de Galicia para poñer en valor o comercio de proximidade, os produtos de calidade e a vitalidade dos mercados locais.
09.30 h | Inicio da xornada e reparto de produtos promocionais da campaña Quere o teu Mercado.
Tui celebra o “Día do Mercado” cunha xornada gastronómica, musical e festiva no renovado mercado de San Antonio. A cita será este sábado, 31 de maio.
Deste xeito o Mercado Municipal de Tui únese á celebración do Día do Mercado, unha iniciativa impulsada pola Dirección Xeral de Comercio da Xunta de Galicia para poñer en valor o comercio de proximidade, os produtos de calidade e a vitalidade dos mercados locais.
Até o próximo 15 de xuño a sala anexa da Oficina Municipal de Turismo acolle Mercarte, unha tenda efémera na que cinco creadoras locais expoñen e venden os seus produtos, comparten o seu proceso creativo e poden conectar directamente coa clientela.
Esta experiencia piloto comeza con cinco marcas locais de diferentes ámbitos de creación artística. Participan Charria Ceramics con pezas de cerámica; Cabuxa con arte en pel; Essentia HM con detalles artesanais; Mar Jewelrin con xoiaría; e Aida Alonso con ilustración.
Mañá xoves, ás 18 h, terá lugar a inauguración da tenda efémera “Mercarte” na sala anexa da Oficina de Turismo no Paseo da Corredoira. Esta iniciativa, impulsada polo Concello de Tui a través da Concellería de Comercio, Emprego e Turismo, ten como obxectivo apoiar e impulsar o talento local, proporcionando un espazo no que as persoas emprendedoras e artesás poidan dar visibilidade e comercializar as súas creacións.
O Mercado Municipal de San Antonio consolídase como referente na modernización do comercio de proximidade. Dentro do proxecto de reforma integral levado a cabo este espazo dotouse dun servizo innovador e pioneiro como son taquillas intelixentes que permiten a recollida de produtos fóra do horario habitual de apertura.
