Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
O Mercado de San Antonio acollerá o próximo luns, 7 de abril, ás 11 h a presentación da Festa do Meixón.
Participarán na presentación o alcalde, Enrique Cabaleiro, a concelleira de Comercio e Turismo, Ana Núñez, membros do equipo de goberno, así coma dos sete establecementos participantes da festa, dos viveiros provedores e da adega Quiñóns da Insua.
Este mes de abril comezarán as catas maridadas de produtos locais no Mercado de San Antonio. É unha iniciativa do Concello de Tui, a través da concellaría de Turismo, que conta coa colaboración da axencia Galician Food Experience.
Tui comezou hoxe a conta atrás para as Festas de San Telmo coa presentación da programación festiva que se vai desenvolver do sábado19 ao luns 28 deste mes de abril. Dez días intensos de actividades culturais, musicais, gastronómicas, deportivas, e festivas pensadas para disfrutar en distintos espazos tanto por parte da veciñanza coma por todas aquelas persoas que visiten o municipio nestas datas.
Do sábado 19 ao luns 28 deste mes de abril celebraranse as festas patronais na honra a San Telmo en Tui. Mañá venres, 4 de abril, ás 11 h, no espazo sociocultural da rúa Camilo José Cela, presentarase a programación destes festexos.
Intervirán o alcalde, Enrique Cabaleiro, a concelleira de Cultura, Sonsoles Vicente, a concelleira de Comercio e Turismo, Ana Núñez, o concelleiro de Deportes, Rafael Estévez, xunto a outros membros do goberno municipal, e de agrupacións e artistas que van participar nas festas.
O Mercado de San Antonio acollerá o sábado 19 e o domingo 20 de abril, dentro da programación das Festas de San Telmo o IV Encontro de Viños da Raia. Haberá degustación de brancos, tintos, espumosos e maridaxes de produtores locais tanto galegos coma portugueses.
O horariro será de 12 a 16 h e de 20 a 23 h.
A gastronomía está presente nas festas de San Telmo 2025 cun evento xa tradicional coma é a Festa do Meixón. Celebrarase do 11 ao 28 de abril en 7 establecementos tudenses. O prezo da ración será de 80€, sendo preciso reserva previa.
4Elementos
Casa Pote
El Molino
Emma Tapas & Brunch
La de Manu
O Novo Cabalo Furado
Parador de Tui
** Actualización 19/03/2025 ** Novo emprazamento no espazo sociocultural da rúa Camilo José Cela.
O sábado 22 e o domingo 23 de marzo o Claustro do Seminario Menor de Tui acollerá o Mercado Elas Facedoras, que forma parte da programación organizada polo Concello de Tui co gallo do 8M, o Día Internacional da Muller.
O Concello de Tui vén de sacar a licitación os derradeiros catro postos vacantes do Mercado de San Antonio. Dende hoxe e até o 13 de marzo as persoas interesadas poden presentar a súa solicitude por rexistro de entrada na casa do concello ou a través da Sede Electrónica do Concello de Tui.
Esta é unha oportunidade única para persoas emprendedoras e comerciantes que desexen formar parte deste mercado revitalizado, caracterizado pola súa ampla variedade de produtos e servizos diferenciadores.
Licitación postos 3, 5, 12 e 13 do Mercado de San Antonio
A Praza da Inmaculada converterase venres 14 e o sábado 15 nun escenario perfecto para vivir unha experiencia chea de encanto onde a esencia bohemia de París se fusiona co encanto da cidade. Será coa campaña "Tui, Meu Amor" con motivo de San Valentín.
A celebración ofrecerá unha experiencia única con gastronomía francesa, música instrumental e unha atmosfera máxica que, máis alá do amor romántico, invita a celebrar o amor en todas as súas formas, gozando dos pequenos praceres e da beleza do día a día.
