O Concello de Tui pon en marcha no día de hoxe a Oficina COVID a través da web municipal tui.gal. Trátase dun servizo específico de información e consultas relacionado coa actual situación derivada do estado de alarma polo COVID-19 dirixido a PEMES, autónomos e persoas traballadoras. Esta é unha medida acordada por unanimidade polos grupos municipais da corporación tudense.

O Concello de Tui suspende todos os eventos públicos culturais e deportivos, organizados polo propio concello, até o 30 de xuño. Do mesmo xeito continuarán pechadas as instalacións municipais de carácter cultural e deportivo, coma a biblioteca, o teatro, a sala de exposicións, e os centros culturais municipais das parroquias, mentres non se dea unha situación favorable de acordo coas recomendacións das autoridades sanidades.

A solidariedade chega de moi diversos xeitos ao Concello de Tui neste Estado de Alarma. Persoas anónimas, grupos voluntarios, empresas…, están a aportar o seu gran de area na loita contra o COVID 19.

Dende mañá domingo, 26 de abril, estará permitida a saída dos nenos e nenas menores de 14 anos para dar un paseo

Arredor da celebración do “Día do Libro” as bibliotecas  escolares de Tui xunto coa Biblioteca Municipal de Tui e de Valença celebran anualmente unha festa do libro e a lectura que reúne a máis de 1500 alumnos. Habitualmente celébrase na praza de San Fernando, pero este ano debido á pandemia do COVID19 e ao confinamento que debemos gardar artellouse a súa celebración on line. 

Participan as bibliotecas escolares dos CEIP's nº1, nº2, Pazos de Reis e  Rebordáns, do Colexio Maristas Santa María e do IES San Paio.

Estes son os seus vídeos: 

Tui Le” cambia este ano de escenario e desenvólvese en internet  e nas redes sociais. As bibliotecas escolares do concello de Tui xunto coa Biblioteca Municipal tanto de Tui como de Valença tiñan previsto celebrar mañá venres, 24 de abril, a undécima edición de “Tui Le”, a festa anual que arredor do Día do Libro, na Praza de San Fernando reunindo a máis dun milleiro de rapaces para festexar o libro e a lectura.

. A Biblioteca Pública Municipal de Tui promove unha iniciativa para achegar os libros á cidadanía co gallo da celebración mañá xoves, 23 de abril, do Día do Libro, unha data para a que estaba programada a undécima edición de “Tui Le”, unha xornada de actividades arredor do libro e a lectura que organizan anualmente as bibliotecas escolares dos colexios e institutos de Tui xunto coa Biblioteca Municipal tudense (unha iniciativa á que este ano tiña previsto sumarse tamén a Biblioteca Municipal de Valença).

O Grupo de Goberno informa das decisión tomadas no pleno extraordinario celebrado no día de onte, un pleno esencialmente de contido económico que tiña como fin fundamental a reordenación da xustificación das axudas aos afectados pola explosión do barrio da Torre de Paramos, a modificación da Ordenanza de Emerxencia Social, o pago da débeda a provedores e a aprobación da sinatura do Convenio coa Confederación Hidrográfica Miño - Sil para a execución da pasarela sobre o Río Louro.

Ás 20 h a corporación municipal de Tui celebra pleno de carácter extraordinario. Dado o actual estado de alarma o pleno celebrarase a porta pechada, e no mesmo seguiranse as medidas indicadas para a prevención do contaxio por COVID 19. Redistribuirase a colocación dos membros da corporación para gardar a distancia recomenda entre eles, e se proporcionará luvas e mascarillas no acceso.  

Son 18 os puntos que conformar a orde do día. A sesión poderá seguirse en director a través da Radio Municipal de Tui. 

SERVIZO PÚBLICO DE EMPREGO - OFICINA DE TUI

• Teléfonos de información e consultas para demandantes de luns a venres de 9 a 14 h 886 110 777 ou 886 110 781 
• Correo electrónico: oficina.emprego.tui@xunta.es
• Os demandantes que  fan solicitude de prestación ou subsidio non necesitan activar a demanda de emprego, o SEPE envías  os seus datos e na oficina realizan a tramitación de oficio. Cando sexa posible remitirán a tarxeta de demanda aos seus enderezos da persoa demandante.