Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
O alcalde de Tui, Enrique Cabaleiro, e a concelleira de Turismo, Ana Núñez, recibiron este mediodía na casa do concello a Dámaso Rodríguez Costas. Este tudense completou hoxe, chegando a Tui, 1.165 kms dende Alcalá de Henares, de onde partiu o pasado 4 de abril para realizar a iniciativa “Cruzando Camiños”.
O alcalde de Tui, Enrique Cabaleiro, recibirá mañá xoves ás 12.30 h na casa do concello a Dámaso Rodríguez Costas, que culmina na xornada de mañá a iniciativa “Cruzando Camiños” na que ten percorrido máis de mil quilómetros dende Alcalá de Henares até Tui a través dos Camiños de Santiago.
Hoxe martes, 5 de maio, a Eurocidade Tui-Valença acolle a visita dun grupo de 37 alumnos e tres profesores, de dez nacionalidades distintas, que participan na iniciativa sobre “Creación de experiencias turísticas en áreas transfronterizas” que propón analizar unha transformación no modelo de desenvolvemento turístico do territorio.
A comezos do mes de maio chegará a Tui o tudense Dámaso Rodríguez tras completar “Cruzando Camiños” un percorrido no que a través de diversas rutas xacobeas conecta Alcalá de Henares e Tui. Dámaso Rodríguez é o presidente da Asociación de Amigos del Camino de Santiago Complutense de Alcalá de Henares (Madrid), neste percorrido une ambas localidades con séculos de pegadas peregrinas e un legado cultural e social que se entrelazan ao longo do tempo.
Os Sambenitos da Catedral de Tui son pezas únicas que este días se poden visitar en Ávila na exposición “Historia, Memoria e Infamia” que foi inaugurada esta mañá na Sala de Exposicións do Auditorio Municipal de San Francisco.
O acto contou coa participación do alcalde de Tui, Enrique Cabaleiro, do alcalde de Ávila, Jesús Manuel Sánchez Cabrera, das concelleiras de Turismo de Tui, Ana Núñez, e de Ávila Sonsoles Prieto, do comisario da exposición, Rafael Sánchez Bargiela, e do xerente da Red de Juderías Iñaki Echeveste.
O alcalde de Tui, Enrique Cabaleiro, e a rexedora de Viterbo, Chiara Frontini, asinaron onte na casa do concello un protocolo de intencións, entre ambos municipios. No mesmo sinálase a importancia histórica e cultural de ambas localidades “ambas, gardiás de centros históricos de grande relevancia e de testemuñas artísticas e arquitectónicas de extraordinaria importancia, representan lugares nos que o pasado continúa vivo no presente, contribuíndo a definir a identidade das comunidades locais.
Tui comezou ás festas de San Telmo, na fin de semana pasada, brindando cos produtos vitivinícolas de pequenos produtores das dúas beiras do Miño no V Encontro de Viños da Raia. Unha cita en gastronómica que crece edición a edicións e que en moi pouco tempo se consolidou dentro do programa festiva da cidade.
Todo preparado en Tui para a celebración das festas de San Telmo que comezarán oficialmente este sábado coa lectura do pregón a cargo da presidenta do Real Club Celta, Marián Mouriño. A cita será ás 12.45 h dende o balcón do edificio da praza da Inmaculada, recentemente remodelada, que será o primeiro escenario destes festexos patronais de Tui, declaradas de Interese Turístico Galego.
A música, a gastronomía e a tradición serán protagonistas nesta fin de semana que reunirá xa a miles de persoas na cidade.
Máis de 140 persoas participaron onte á tarde na visita ao patrimonio xudeu organizada polo Concello de Tui co gallo do Día da Cultura Sefardí promovido pola Red de Juderías de España.
O interese polo patrimonio tudense quedou de novo reflectido neste percorrido no que participou tanto veciñanza tudense coma moitas persoas que estes días visitan a cidade. A concelleira de Patrimonio e Turismo, Ana Núñez, deu a benvida á visita destacando a importancia da promoción do patrimonio tudense e agradecendo a participación tan numerosa nesta actividade.
O próximo martes, 31 de marzo, o Concello de Tui súmase á celebración do Día da Cultura Sefardí, proposto pola Red de Juderías de España – Caminos de Sefarad tras o acordo adoptado na Asemblea Xeral celebrada en xuño na localidade galega de Ribadavia.
Así o próximo martes, 31 de marzo, ás 19 h terá lugar unha visita guiada polo legado da cultura xudía na cidade ao longo do tempo. O punto de partida será a Oficina Municipal de Turismo no Paseo da Corredoira. Non é preciso inscrición previa.
